web counter
LEXO PA REKLAMA!

SHKARKO APP

App Store
Google Play

E fundit!

x

Basha: Një shfaqje e turpshme propagande / Kjo qeveri e inkriminuar nuk mund të luftojë narkotrafikun

16 Shtator 2015, 12:46, Aktualitet CNA

Kryetari i PD, Lulzim Basha reaguar pas deklaratave të kryeministrit Edi Rama dhe ministrit të Brendshëm, Saimir Tahiri në takimin ?Antidroga, një histori suksesi?.

Sipas tij, kjo konferencë ishte një shfaqje e turpshme e qeverisë dhe vetëm propagandë.

?Qindra oficerë policie janë thirrur me dhunë në kazermën mediatike të Ramës, ndërsa trafikantët vazhdonin aktivitetin e tyre, plantacionet e drogës shtohen, parcelat që ruhen me armë në krahë nga habilajt dhe shullazët e Tahirit shtohen?, deklaroi Basha.

Ai ka vlerësuar ndër të tjera edhe punën e kryer nga qeveria Berisha në kohën që ishte në pushtet.
?Raportet e thonë qartazi, Shqipëria nuk ka qenë vend trazniti droge, vlerësime në luftën ndaj drogës në raportet të ndryshme në vitet 2011-2012. Produkti ishte liberalizmi i vizave, futja në NATO. Këto nuk do të ndodhnin nëse kryeministri do të të fuste në Parlament narkotrafikantë të dënuar. Këto janë rekordet ndaj të cilave sado që të shkumëzojë Rama, i shijojnë qytetarët. Këto janë rezultatet, por kur nuk ke rezultate e çdo raport të inkriminon hap kinemanë dhe mbledh 2000 policë për propaganda?, theksoi Basha.

Basha mendon se kjo qeveri dhe kryeministri Edi Rama nuk mund ta luftojnë trafikun e drogës, sepse janë të inkriminuar.

?Janë caktuar narkotrafikantët në administratë, në Parlament, Kryetarë bashkie. Emblema e Ramës janë roshët, bushët, bardhët, ndonët, peçët e të tjerë. Trafikantë të dënuar apo të ndjekur që administrojnë sot territore me pushtetin që u dha Edi Rama?, deklaroi kreu i PD.

Basha e mbylli fjalën e vet me thirrjen për miratimin e ligjit për dekriminalizimin.

?Të nisë dekriminalizimi dhe nisja e tij nga testi i drogës për ty dhe ministrit tënd. Do të ishte një fillim i mbarë?, tha Basha.





Lajmet e fundit nga