web counter
LEXO PA REKLAMA!

SHKARKO APP

App Store
Google Play

Ekstradohet nga Italia/ Grabiti ne Tirane si polic

16 Shtator 2015, 07:38, Aktualitet CNA

Nga Zyra Qëndrore Interpol Tirana u krye ekstradimi nga Roma/Itali, drejt vendit tonë, i shtetasit shqiptar: Alban ILA (Fatmir GJOCI), 27 vjeç, lindur  në Dibër dhe banues në Tiranë.

Me vendim nr.1412,  datë 27.07.2012 të Gjykatës së Rrethit Gjyqësor Tiranë, ndryshuar me vendimin nr.413, datë 24.04.2013 të Gjykatës së Apelit Tiranë, shtetasi ILA është dënuar me 4 vjet burg, për kryerjen e veprës penale “Vjedhje me dhunë e kryer në bashkëpunim”, parashikuar nga nenet 139 dhe 25 të Kodit Penal.

Përmbledhje e ngjarjes së ndodhur:

Më datën 09.11.2011, rreth orës 23:00 shtetasi K. B., pasi ka panuar si kamarier në një lokal bar ? kafe  që ndodhet pranë stadiumit ?Selman Stërmasi?, është nisur në këmbë për në shtëpi. Në afërsi të shkollës ?Besnik Sykja?, i kanë dalë përpara dy djem të rinj. Pasi i janë afruar janë prezantuar si punonjës policie, dhe më pas i kanë marrë portofolin dhe janë larguar.

Më datë 09.11.2011, shtetasi S. B. ka qenë duke u kthyer në banesë, në orën 23:15, ku në rrugë i kanë dalë përpara tre persona, të cilët janë prezantuar si punonjës  policie. Kanë ushtruar kontroll duke i marrë një sasi parash dhe një celular.

Më datë 30.09.2011, rreth orës  01:00, shtetasi B. M., ka dalë së bashku me një familjarin e tij për shkuar tek makina. Pranë i janë afruar tre shtetas, të cilët i janë prezantuar si punonjës  policie dhe i kanë kërkuar të nxirte nga xhepi çdo gjë  që  kishin, duke i marrë portofolin dhe celularin.

Në të gjitha rastet personat të cilët janë paraqitur si punonjës policie dhe kanë kryer vjedhjet kanë qenë shtetasit, E. M.,  E. K dhe Alban ILA. Si rezultat i bashkëpunimit të Interpol Tirana me Interpol Romën, u bë i mundur arrestimi i tij ne Itali, duke u finalizuar me ekstradimin e tij drejt vendit tonë.





Lajmet e fundit nga