web counter
LEXO PA REKLAMA!

SHKARKO APP

App Store
Google Play

Deklarata e OSBE/ PR: Kërkojmë qëndrim publik për këtë ‘paçavure’

15 Shtator 2015, 17:30, Aktualitet CNA

Partia Republikane ka reaguar ndaj raportit të OSBE, ku janë ngritur akuza për biznese të dyshimta ndaj deputetit të saj, Arben Duka. Ndërsa e ka konsideruar raportin një “paçavure”, në deklaratë thuhet se ish-deputeti i saj, Ylli Shehu ende nuk ka shlyer detyrimet mediatike përkundrejt subjekteve private, për fushatën e tij elektorale.

Deklarata e plotë

“Qoftë ky edhe një material i brendshëm i kësaj organizate serioze, tregon papërgjegjshmëri, e cila bie në nivelin më të ulët e të turpshëm të ndonjë media të shkruar, e cila manipulon fakte për qëllime politike dhe përfitimi. Deputeti dhe kryetari i Asamblesë Kombëtare të partisë Republikane, Agron Duka, nuk ka asnjë lidhje me akuza të përdala të cituara në të ashtuquajturin “Raport”. Ai është një njeri i ndershëm, i respektuar dhe me mbështetjen më të gjerë në qarkun e Durrësit. Si biznesmen ka qenë i ndershëm, në respekt të ligjit dhe të shtetit. Për sa i përket lidhjeve me interesa kriminale në Shijak, Durrës e Vlorë, këto janë pjellë e mendjeve të sëmura, të cilat kanë bërë këtë Raport apo shpifin. Ylli Vesel Shehu, ish-deputet i PR, nuk ka paguar asnjë qindarkë për t’u bërë deputet i Partisë Republikane. Ndërkohë, akoma ky deputet rezulton se nuk ka shlyer detyrime mediatike përkundrejt subjekteve private, për fushatën e tij elektorale. Këto, si OSBE ashtu edhe ata që i bëjnë hosana këtij raporti, mund t’i vërtetojnë në mënyrë të drejtpërdrejtë me deputetin Ylli Shehu, i cili tashmë është deputet i LSI. Për sa më sipër, Partia Republikane kërkon një qëndrim publik të përfaqësisë së OSBE, lidhur me këtë raport paçavure, si dhe i kërkon autoriteteve shtetërore që të mbajnë qëndrim për këtë çështje”.





Lajmet e fundit nga