web counter
LEXO PA REKLAMA!

SHKARKO APP

App Store
Google Play

E fundit!

x

Felaj mbi pr.ligj për funksionet publike: Personat që nuk mund të kandidojnë

16 Shtator 2015, 12:35, Aktualitet CNA

Ministrja, Ermonela Felaj prezantoi pr.ligjin e sapomiratuar nga qeveria, i cili do të ketë efekt edhe mbi funksionarët aktuale. Me këtë pr.ligj Kushtetuta e vendit do të ndryshojë përsëri.

?Ligji parashikon të ushtrojë veprimin e tij edhe ndaj të gjithë atyre që janë zgjedhur, emëruar ose janë duke ushtruar funksione publike pikërisht përmes të njëjtave instrumenta dhe deklarimeve dhe më tej verifikimeve nga organet përgjegjëse. Qeveria dhe maxhoranca do të paraqesë në parlament këtë projektligj bashkë me draftin për ndryshimet kushtetuese që reflektojnë parimet e kësaj nisme për t?i dhënë zgjidhje përfundimtare. Përmes këtij ligji hapet një faqe e re në historinë e demokracisë shqiptare. Asnjë individ që në të kaluarën e tij është dënuar në gjykatat vendase apo të huaja nuk do të ketë mundësi të emërohet?, tha ministrja Felaj.

Sipas këtij pr.ligji, ndalohen të zgjidhen deputetët, kryebashkiakët, këshilltarët, të emërohen në detyrën e kryeministrit apo anëtar në Këshillin e Ministrave, të zgjidhen në funksione që voton Parlamenti të gjithë personat e dënuar brenda apo jashtë vendit me vendime gjyqësore të formës së prerë për një sërë krimesh të rënda.

Ky ligj vlen edhe për personat që  kanë kryer krime të parashikuara në ligj dhe për rastin kur ndaj tyre janë dhënë vendime dënimi nga Gjykata e Shkallës së parë, pra, jopërfundimtare, ose ndaj të cilëve është vendosur një masë sigurimi personale ose është lëshuar urdhër kërkimi nga autoriteti gjyqësor i huaj. Për këtë kategori ndalimi do të zgjasë deri në revokimin e masës së sigurisë, urdhrit të arrestit ose vendimit të pafajësisë.

Ndërsa për kategorinë e personave që janë të dënuar, ndalimi për të kandiduar do të jetë në përputhje me rëndësinë e veprës që kanë kryer





Lajmet e fundit nga