E fundit!

10:07 Aktualitet

Gara për drejtuesit e policisë në qarqe, përfundon renditja e kandidatëve/ Tre emrat që kryesojnë listën

Është mbyllur procesi i vlerësimit për kandidatët që synoj...

Informaliteti, Ruli: Aksioni i qeverisë kryqëzatë për biznesin

14 Shtator 2015, 14:25, Ekonomi CNA

Deputeti i PD-së, Genc Ruli flet në TemaTv: Qeveria mbjell terror, mllef dhe ankth mbi biznesin. Drejtoresha e tatimeve bën komsomolasen

Nga Teuta Shamku

Ajo që qeveria po bën nga data 1 shtator, në kuadër të luftës ndaj informalitetit është kryqzate dhe ndëshkim ndaj biznesit. Kështu e ka konsideruar deputeti i PD-së dhe Nënkryetar i Komisint të Veprimtarive Prodhuese, Genc Ruli aksionin e qeverisë. Në një intervistë për tematv, Ruli thotë se qeveria në emer të ligjit bën kontrolle selective duke dëmtuar disa biznese dhe të tjerë mbeten të paprekur.

?Informaliteti nuk është një fenomen që pllakosi sot, dhe përpjektjet e qeverive të ndryshme në kuadër të këtyre 20 viteve të paktën në këtë drejtim nuk janë zero. Beteja ndaj informalitetit vazhdon edhe në vendet më të zhvilluara të Europës, është një betejë që nuk ka fund.

Iniciativa e qeverisë është një kryqëzatë, është një fushtatë edhe emrin madje ja kanë vënë të tillë. Nuk është e tillë beteja ndaj informalitetit. Së pari unë nuk do të isha dakort me logjikën e një fushtate, sepse kjo është një fushtatë që i mëshon më shumë elementit të ndëshkimit: penalizoje atë që është informal. Duke harruar që informaliteti nuk është thjesht një prirje e individëve të caktuar ( pavarësisht se sot janë me shumicë), për të shmagur ligjin për mos e respektuar atë, por unë do ta quaja edhe element të kulturës. Ne nuk hyjmë tek ekonomitë e tregut ku mentaliteti, logjika e tregut tek qyetari, tek shtatari kanë 3 shekuj që janë krijuar. Përkundrazi gjithë historia jonë dhe jo vetëm historia e tranzicionit, por historia e dy shekujve ka një raport të vështirë mes individit dhe ligjit. Deri sa kjo është kulturë dhe mentalitet, kjo nuk ndëshkohen me vite burg.? , thotë Ruli për TemaTv.

Sipas Rulit kjo fushatë pritet të japë efekte negative tek biznesi dhe të përkeqësojë klimën e të bërit biznes.

?Kjo fushtatë pavarësisht theksit që i vë kryeministri, pavarësisht zellit prej komsomolase që tregon drejtoresha e Tatimeve, kjo është një fushtatë vetëm për shoë. Do ta quaja të arsyeshëm flamurin për të zhdukur informalitetin për të ngushtuar evazionin, këto nuk i kundërshton dot në princip. Por mënyra si e ka kryer, me një mllef dhe inat ndaj biznesit, duke e parë si një sfidë që i bëhët kryeministrit Rama dhe qeverisë, se sa një mentalitetit jo të drejtë jo të ligjshëm që ka krijuar qytetari dhe biznesi, vetvetiu kanë krijuar dhe krijojnë një gjendje ankthi, gjendje terrori. Do të fillojë lufta e maces me miun mes shtetit, inspektorit dhe qytetarit, ku qytetari ka qënë i bindur pse duhet të bëhet ky ligjërim, do të kërkojë dhe do të mundohet të fshihet, vetëm do të mundohet të shpikë mënyra për tu hequr sikur është në përputhje me ligjin, por në vetvete duke vazhduar ta shkeli atë. ?, u shpreh deputeti i djathtë.

Nga ana tjetër deputeti i djathtë thotë se terrori dhe mllefi ndaj biznesit do të nxisë sipërmarrjen të gjejë forma të reja të fshehjes. Sipas tij taksat e larta tregojnë se informaliteti rritet.

Ruli sheh si zgjidhje të këtij problemi gjuhën bashkëpunuese, joshëse dhe nxitëse të qeverisë me biznesin.