web counter
LEXO PA REKLAMA!

SHKARKO APP

App Store
Google Play

Ekspertët: Gjoba 10 milionë per mosleshim te kuponit, e paarsyeshme

7 Shtator 2015, 14:20, Ekonomi CNA

Profesor Sotiraq Dhamo, një nga ekspertët më të njohur të taksave në vend, thotë se gjoba prej 10 milionë lekë për moslëshim të kuponit tatimor është e paarsyeshme dhe nuk e ndihmon luftën ndaj evazionit.

?Gjoba nuk ka qëllim që të shkatërrojë, por të parandalojë dhe të jetë e mundshme të paguhet. Se mund të përballemi me situatën që të vendoset gjoba dhe nuk mund të paguhet. Po të llogarisim këtu që shumica e bizneseve në vend janë deri në 8 mln lekë qarkullim, nëse vendoset një gjobë prej 10 mln lekë të reja, edhe po të dojë biznesmeni nuk e paguan dot. Pra, gjobat duhet të kenë një kuptim për t?u vendosur dhe jo për të trembur?, thotë Dhamo.
Ndërsa Luan Bregasi i Biznes Albania mbështet ashpërsimin e masave ndëshkuse ndaj evazionit. Por, sipas tij, ato nuk duhet të jenë të palogjikshme.

?Nëse deri tani një gjobë ishte dyfishi i faturës që bëhej evazion nga biznesi, le të fuqizohet deri në dy, tre apo në katërfish. Por të mos jetë fikse sepse sikurse taksat e larta që prodhojnë evazion, edhe gjobat e larta provokojnë korrupsion tek ata që do administrojnë sistemin e gjobave?, thotë Bregasi.

Një projektligj i ri që amendon ligjin ekzistues të procedurave tatimore parashikon gjobitjen me 10 milionë lekë të bizneseve me qarkullim më të madh se 8 milionë lekë në vit, nëse nuk lëshojnë kuponin tatimor.

Paralelisht ai parashikon të njëtën masë gjobe për bizneset të cilat nuk kanë kasa fiskale të rregullta. Drafti, i cili është ende në fazë fillestare, u është shpërndare ministrive përgjegjëse për komente.

Kryeminsitri Edi Rama kishte paralajmëruar më parë ashpërsimin e masave kundër informalitetit, një pjesë e të cilave duket se janë materializuar në draftin e ri të procedurave tatimore. 





Lajmet e fundit nga