E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Për tre ditë Tirana “kryeqytet i paqes”

6 Shtator 2015, 13:32, Aktualitet CNA

Nis sot pasdite takimi ndërkombëtar i organizuar nga komuniteti i Sant?Egidio-s. Mbi 400 udhëheqës e përfaqësuesë fetarë, të istitucioneve apo figura të botës së kulturës do të mblidhen nën thirrjen ?Paqja është gjithnjë e mundur?

Në Shqipëri pritet të nisë sot edicioni i 28-të i Takimit Ndërkombëtar të Paqes, një nismë Komunitetit të Sant?Egidios. Për tre ditë me radhë, deri të martën në mbrëmje, Tirana do të shndërrohet në ?kryeqytetin e dialogut?, ndërsa mbi 400 udhëheqës dhe përfaqësuesë fetarë, institucionesh dhe figura të botës kulturore do të bashkohen për të mbështetur thirrjen se ?Paqja është gjithnjë e mundur?, me të cilën identifikohet takimi i këtij viti. Shqipëria është zgjedhur mes të tjerash si vendi i organizimit edhe për shkak se në një botë konfliktesh me bazë fetare shembulli i saj i bashkëjetesës fetare merr një peshë edhe më të vecantë.

Për Sekretarin e Përgjithshëm të Komunitetit të Sant?Egidios Alberto Quattrucci ?të thuash se Paqja është gjithnjë e mundur?, ngjan si një fjali e thjeshtë. Në të vërtetë është dicka me shumë përgjegjësi, sepse nuk do të thotë që është e lehtë të ndërtosh paqen, por do të thotë se nuk mund të justifikohet asnjë luftë, asnjë lloj konflikti. Dhe kjo shqiptohet në një panoramë ndërkombëtare shumë delikate, me shumë luftëra, që sic e përkufizoi Papa Francesco ?është një luftë e tretë botërore e ndarë në pjesë?. Do të jetë pikërisht një mesazh i Papës, i cili një vit më parë vizitoi Tiranën, që do të transmetohet edhe në hapje të këtij organizimi që nis sot pasdite. Takimi Ndërkombëtar i Paqes lindi për të cuar përpara nismën e ndërmarrë nga Papa Gjon Pali II, i cili më 27 tetor të 1986 bashkoi në Assisi të Italisë, 70 përfaqësues të besimeve të ndryshme fetare nga e gjithë bota.

Gjatë të hënës dhe të martës, janë 26 panele të ndryshme ku do të diskutohen tema të shumëllojshme, që përbëjnë edhe shqetësimet kryesore sot në botë. ?Ne duam të vendosim gishtin mbi plagët e sotme, mbi vuajtjet dhe problemet kritike të botës?, thekson zoti Quattrucci, ndërsa shpjegon se gjatë takimit do të diskutohet për marrëdhëniet mes të krishterëve dhe muslimanëve, për situatën në Iraq, për raportet mes njerëzimit dhe mjedisit, do të flitet për Hiroshimën, 70 vjet pas shpërthimit të bombës atomike atje, do të flitet gjithashtu për Mesdheun i cili sot është bërë dhëshmitar i tragjedive të shumta njerëzore për qindra e mijëra njerëz që e shohin si rruga që i con drejt shpresës.

Takimi do të mbyllet të martën në mbrëmje në sheshin përballë Piramidës në Tiranë, ku pas lutjeve, të gjithë përfaqësuesit fetarë do të ribashkohen mbi një skenë të vetme, për të firmosur Thirrjen e Paqes, e cila simbolikisht do t?u dorëzohet 40 të rinjve që përfaqësojnë gjeneratat e ardhshme.