E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Prokuroria e Përgjithshme kërkon autorizimin e kuvendit për arrestimin e deputetit socialist, Prenga

6 Shtator 2015, 11:23, Aktualitet CNA

Kjo kërkeseë vjen për shkak të konsumimit – siç dyshohet, – të veprave penale të ?prodhimit dhe mbajtjes pa leje të armëve luftarake dhe municionit?, ?plagosje e rëndë me dashje? dhe ?kanosje?.

Kryeprokurori Adriatik Llalla, në kërkesën drejtuar Kuvendit ka deklaruar se, nga provat e administruara deri më tani gjatë fazës së hetimit, rezulton se deputeti Prenga dyshohet të ketë konsumuar veprat e mësipërme penale gjatë konfliktit të ndodhur në Lac. Veprat, të cilat dyshohet t?i ketë kryer deputeti Prenga, janë me rrezikshmëri të lartë shoqërore dhe parashikohen si krime në Kodin Penal.

Në bazë të veprimeve të deritanishme hetimore, Prokuroria e Përgjithshme ka krijuar dyshimet e arsyeshme për kryerjen e veprave penale nga ana e deputetit Prenga, në bazë të argumentave si më poshtë:

– Me veprimin e tij të mbajtjes dhe përdorimit të armës së zjarri tip pistoletë, armë kjo tjetër nga ajo për të cilin është pajisur me leje nga organet kompetente, gjatë konfliktit të ndodhur në mjedisin publik para Komisariatit të Policisë Laç, deputeti Armando Prenga ka konsumuar elementët e veprës penale ?Mbajtja pa leje e armëve luftarake?, parashikuar nga neni 278/4 Kodit Penal.

– Me veprimin e tij të dëmtimit me armë të shëndetit të shtetasit T.C, duke qëlluar mbi të, deputeti Armando Prenga ka konsumuar elementët e veprës penale ?Plagosje e rëndë me dashje?, parashikuar nga neni 88 i K.Penal.

– Me veprimin e tij të nxjerrjes dhe drejtimit të armës ndaj shtetasve që shoqëronin shtetasin GJ.C. para Komisariatit të Policisë Kurbin, me bashkëpunimin e disa shtetasve të tjerë, deputeti Armando Prenga ka konsumuar elementët e veprës penale ?Kanosje?, në bashkëpunim, parashikuar nga neni 84 e 25 i K.Penal

Për këtë arsye, me qëllim për t?i hapur rrugë një hetimi të plotë dhe të gjithanshëm nga Prokuroria, bazuar në nenin 73/2 të Kushtetutës së Republikës së Shqipërisë, si dhe nenin 288 të Kodit të Procedurës Penale, kërkohet nga Kuvendi i Shqipërisë dhënia e autorizimit për arrestimin e deputetit të Kuvendit të Shqipërisë Armando Prenga.