web counter
LEXO PA REKLAMA!

SHKARKO APP

App Store
Google Play

E fundit!

x

AK: Socialistët e kanë zakon ta mbajnë me gjak pushtetin, ftojmë opozitën të mos ulet në kuvend

6 Shtator 2015, 09:59, Aktualitet CNA

Kreu i Aleancës Kuqezi, Kreshnik Spahiu  ka reaguar në lidhje me ngjarjen e Lacit ku ka qenë i përfshirë deputeti socialist, Armando Prenga.

Në fjalën e tij ai ka deklaruar se socialistët janë mësuar që ta mbajnë pushtetin me gjak.

Spahiu i bëri thirrje edhe deputetëve opozitar që të grisin mandatet dhe të mos ulen në kuvend, përndryshe as populli nuk do të ngrihet kundër qeverisë.

Sipas tij, problem më i madh nuk janë peshqit e vegjël si Prenga, por peshkaqeni Rama.

?Dje Shqipëria preku fundin e vet politik. Socialistët e kanë zakon ta mbajnë me gjak pushtetin. Plumbat e deputetit socialist nuk ishin plagosje pasi në çdo literaturë juridike atentatet me armë zjarri janë vrasje të mbetura në tentativë. Në 100 vite shtet kurrë Shqipëria nuk u morr peng nga banditë ordiner që të drejtonin legislativin dhe ekzekutivin.

Aleanca Kuqezi i bën me dije gjithë shqiptarëve që Armando Prenga është një peshk i vogël që noton rreth peshkaqenit Edi Rama. Problemi nuk është Prenga i vogël por kryepranga i madh. Kryegardiani e ka mbush pushtetin me prenga pa Pranga dhe mban sot peng gjithë Shqipërinë. Për këtë arsye Aleanca Kuqezi fton 55 deputetët demokrat të grisin mandatet dhe mos bëhen shokë të Prengave pa pranga. Opozita parlamentare duhet të kuptojë që ky popull nuk do çohet kurrë në këmbë nëse sheh që ju uleni në Kuvendin e gangsterëve. Asnjë popull nuk çohet nëse liderët ulen. Çohuni dhe braktisni përgjithmonë atë Kuvend sepse shpërndarja e parlamentit dhe zgjedhjet e parakohshme janë shpëtimi i Shqipërisë”, ka thënë Spahiu.

 





Lajmet e fundit nga