web counter
LEXO PA REKLAMA!

SHKARKO APP

Shembet masivi i dheut/ Minierat marin 2 jete te tjera

30 Gusht 2015, 15:37, Aktualitet CNA

Një aksident ka ndodhur në Minierën e Selishtës në Peshkopi, e për pasojë kanë mbetur të plagosur rëndë e më pas kanë humbur jetën gjatë rrugës dy minatorë, kushërinj me njëri-tjetrin.

Aksidenti ndodhi rreth mesditës, ku mësohet se ka ndodhur një avari në minierë, çka ka sjellë shembjen e një masivi dheu. Fillimisht është raportuar i plagosur rëndë drejtuesi teknik Miftar Losha, 54 vjeç, ndërsa ka mbetur i bllokuar brenda minierës Albert Losha, 35 vjeç.

Në vendin e ngjarjes ka shkuar policia dhe mjekët e Spitalit të Peshkopisë, pasi ambulanca e ka pasur të pamundur të shkojë për shkak të terrenit të vështirë.

Pas disa orëve, është nxjerrë nga miniera edhe Albert Losha dhe të ty të plagosurit janë dërguar me helikopter drejt Qendrës Spitalore të Traumës në kryeqytet. Por sipas policisë së Dibrës, ata nuk kanë mundur t?u mbijetojnë plagëve të marra dhe kanë ndërruar jetë gjatë rrugës. Policia po heton për zbardhjen e rrethanave të kësaj ngjarjeje tragjike që u mori jetën dy minatorëve.





Lajmet e fundit nga