web counter
LEXO PA REKLAMA!

SHKARKO APP

Hungaria vazhdon ndërtimi e gardhit për të parandaluar refugjatët në kufirin me Serbinë

22 Gusht 2015, 11:11, Aktualitet CNA

Autoritetet hungareze vazhdojnë ndërtimin e gardhit me tela në kufirin me Serbinë, i cili duhet të parandalojë hyrjen e refugjatëve nga vendet aziatike dhe afrikane në territorin e tyre.

Deri më tash kanë përfunduar 50 kilometra dhe gardhi përbëhet nga dy pjesë: përveç telave të thjeshtë, të lartë 3.5 metra, është vendosur edhe i ashtuquajturi gardh i NATO-s, me tela me gjemba.

Sipas të dhënave të policisë hungareze, në qytetin kufitar Çongrad numri i migrantëve që hyjnë në Hungari tani është dyfish më i vogël.

Mediat hungareze thonë se gardhi po ndërtohet në të njëjtën kohë në 13 pika të kontrollit përgjatë kufirit me Serbinë, ndërsa gjatësia përfundimtare do të arrijë në 177 kilometra.
Punët duhet të kryehen në fund të gushtit, ndërsa nga Qeveria hungareze njoftojnë se do të angazhohen edhe disa mijëra policë për të kontrolluar kufirin me Serbinë.

Gardhi tani është i dukshëm edhe nga ana serbe e kufirit, pranë kalimit kufitar Ashothalom.





Lajmet e fundit nga