E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Reforma në drejtësi/1400 ekspertë thirren për të dhënë mendimin e tyre

20 Gusht 2015, 15:30, Politikë CNA

Burime të Ora News, komfirmuan edhe një takim të thirrur pak ditë më parë me grupin e ekspertëve dhe anëtarët e komisionit nga ambasada amerikane në Tiranë, ku mesazhi mesohet se ka qenë i qartë: reforma duhet të mbetet në dorë të ekspertëve.

Pavarësisht ndërprerjes së punës së Kuvendit, komisoni i posaçëm dhe grupi i ekspertëve vijojnë hartimin e plaftformës për reforminin e sistemit të drejtësië.

Dy dokumentet e perpunuara nga komisoni, strategjia dhe plani i veprimit i janë vënë në dispozicion 1400 gjyqtarëve, prokurorëve, pedagogëve të fakulteteve të drejtësisë, noterëve dhe avokatëve që janë diplomuar jashtë vendit pas 2010, për të dhënë opinionet dhe rekomandimet e tyre.

Burime të Ora News konfirmojnë gjithashtu edhe kalimin në një fazë tjetër të reformës, atë të vlerësimit parapakrak të projekligjeve qe priten të hartohen bazuar në reformë.

Mësohet se fillimisht do të hartohet një vlerësim paraprak, për tu ndjekur më pas më përcaktimin e disa grupeve të ekspertëve për ligjbërjen, në përbërje të të cilëve do të jetë një ekspert i nivelit të lartë shqiptar dhe një ndërkombëtar.

Mësohet gjithashtu se po hartohet edhe plani i veprimit për koston buxhetore që do të ketë vënia në zbatim i reformës në drejtësi. Për këtë qëllim, ka një komunikim të vazhdeshëm mes minsitrisë së drejtësisë dhe BE, ndërsa në muajin shtator do të ketë një takim me donatorët, për të kërkuar fondet që bëjnë të mundur aplikimin e kryereformës.

Reforma në drejtësi, po shihet me lupë nga ndërkombëtarët, çka reflektohet edhe në një takim të posaçëm të thirrur disa ditë më parë nga ambasada amerikanë në Tiranë, me kujdesin e vetë kryediplomatit Donald Lu. Në takimin ku ishte e pranishme edhe ambasadorja e BE Romana Vlahutin, anëtarët e shumicës dhe opozitës të komisionit të posaçëm për reformën, si edhe ekspertët ndërkombëtarë mesazhi ka qënë një dhe i qartë? se reforma duhet të jetë punë e ekspertëve?.