Kastriot Islami: Ja si e krijoi sektin trikembesh Edi Rama

17 Gusht 2015, 16:30, Politikë CNA

Edhe pse deputet i Partisë Demokratike, Kaç Islami nuk rri dot pa u marrë me PS-në.

Ai shkruan se kryeministri Edi Rama ka krijuar një sekt brenda PS-së.

Ja si e shpjegon Kaçi këtë gjë:

?PPSH u reformua/modernizua nga reformatorët, në përbërje të cilëve ishin:

i) profesorët që s?kishin qënë asnjëherë anëtarë të PPSH por filluan të kontribuonin në politikë duke filluar nga 1991 si dhe

ii) të rinjtë që erdhën nga greva e studentëve të dhjetorit 1991.

Rama kur erdhi në 2005 në krye të PSSH i spastroi të gjithë ?profesorët e të rinjtë, themelues e reformatorë të PS? duke i zëvëndësuar me ?oligarkët e individët me rekorde kriminale?.

Grupi tjetër ishin ?pragmatistët/oportunistët?, tekniciene, ish anëtarë të PPSH, që ishin afruar në PPSH në periudhën e ?perestrojkës dhe gllasnostit? gorbacian; këta gjithjnë do të ishin kundër reformimit të shpejtë të PPSH në fillim të cdo nisme për reformim dhe në fund do të bashkoheshin me fituesit reformatorë. Edhe këta Rama në 2005 e në vjim i ?spastroi? përgjithsisht.

Grupi i tretë ishin ?trashëgimtarët? e PPSH, ish anëtarë të forumeve të larta drejtuese të PPSH por të papërlyer drejtëpërdrejtë në ?mëkatet? e PPSH; këta gjithnjë e vazhdimisht ishin kundër reformimit të shpejtë të PPSH sepse reformimin e konsideronin si eleminues për ta.

Rama e ka ruajtur përgjithsisht këtë grupim e madje e ka ?pasuruar? me ?trashëgimtarët?/pasonjësit e ish anëtarëve të Byrosë Politike apo të Komitetit Qëndror të PPSH.

Rama projektin e Sektit të tij ?trikëmbësh? e ka mbështetur në tri grupime

1) ?trashëgimtarët e pasonjësit/pinjollët? që një pjesë i gjeti dhe i ruajti në 2005 dhe një pjesë tjetër i solli vetë;

2)oligarkët nga biznesi, media e individet me rekorde kriminale, e

3) mjaftistët, g99-shat e ata te nomeklatures se bashkisë.

Arsyeja e kësaj lidhjeje të qënësishme është e thjeshtë:

Rama vetë është përfaqsues e drejtues i këtyre tri grupimeve si pinjoll, kryeoligarg e kryemjaftist.

Këto tre grupime kanë qënë dhe janë jo vetëm në shërbim të projektit të Ramës për ta kthyer PS në një Parti Sekt, por drejtohen prej tij?.