web counter
LEXO PA REKLAMA!

SHKARKO APP

App Store
Google Play

Ilir Meta "godet" Ramën te taksa progresive. Çfarë ndryshimesh do të kërkojë LSI-ja?

14 Gusht 2015, 16:41, Politikë CNA

Dy ditë pas intervistës së kryeministrit Rama, edhe partneri i tij në koalicionin qeveritar, Ilir Meta, shfaqet nga Jala ku ndodhet me pushime në një intervistë për televizionin News 24. Meta nuk është se surprizoi shumë me ato që tha, por kaloi me qetësi gjithë fjalët që qarkullojnë këtë verë për një ftohje të raporteve mes tij dhe Ramës. Ajo që tërheq vëmendje në intervistën e tij, ka të bëjë ndryshimi që LSI kërkon në politikën e taksave.

Meta sqaroi atë që është thënë prej tij më herët si një ?politikë me e mencur taksash?.  A do t?i kërkojë Meta-Ramës kthimin e taksës së sheshtë? Si duhet kuptuar ajo që ai thotë se ?ideologjizimi i tepruar dhe dogmatizmi nuk mund të sjellin progresin që kërkohet. Ne asnjëherë nuk e kemi parë politikën e taksave si një debat të karakterit ideologjik, pasi nuk mendojmë se taksat janë qëllim në vetvete. Ato janë thjesht një instrument dhe rishpërndarja apo mbrojtja e shtresave më të margjinalizuara të shoqërisë bëhet përmes shumë instrumentash të tjerë gjithashtu. Kur flasim për politikë të mençur të taksave, mendoj se duhet të analizojmë treguesit e deritanishëm të ndryshimeve që janë bërë dhe rezultatet e arritura, që të kuptojmë çfarë duhet të përmirësojmë në të ardhmen. Politikë e mençur e taksave dhe ekonomike është ajo që sjell një rritje ekonomike në potencialet që ka vendi dhe jo nën potencialet e tij. Prandaj duhet të shohim gjithë këtë hapësirë që mbetet për t?u shfrytëzuar dhe në këtë drejtim duhet të punojmë për të zgjeruar rrethin e ekspertëve, përfshirë ata të opozitës, shoqërisë civile, biznesit dhe në konsultim të vazhdueshëm me FMN, i cili si prioritete kryesore ka treguesit kryesorë makro-ekonomikë, sidomos ato që kanë të bëjnë me kufirin e borxhit apo me deficitin. Ndërsa për gjithë objektivat e tjera mbeten të hapur për t?u bindur në masat dhe propozimet që ne do ndërmarrim?- shprehet kreu i LSI-së.





Lajmet e fundit nga