Bozdo: Parku qe ofron Veliaj tek bulevardi i ri, pese here me i vogel se origjinali

10 Gusht 2015, 14:40, Politikë CNA

Ish- nënkryetari i Bashkisë së Tiranës, Enno Bozdo, reagon ndaj deklaratave të kryebashkiakut aktual Erion Veliaj, të bëra për Bulevardin e ri. Ai thotë se është e rëndë të gënjesh, por edhe shumë e vështirë të heqësh dorë nga ky ves. Sipas tij, parku që ofroi sot Veliaj, është minimalisht pesë herë më i vogël se hapësira e gjelbër që ofron projekti origjinal i Bulevardit dhe Lumit të Tiranës. ?Zëvëndëskryetari i Bashkisë Veliaj premton një park në qendër të Bulevardit të Ri(?!) Sot Veliaj përsëri gënjeu, në përpjekje për t`i mbushur mendjen opinionit publik se po afron gjelbërim për Tiranën; në të vërtetë, kjo ?ofertë? e maskuar thjesht redukton hapësirat e gjelbërta. Praktikisht nuk do të ketë më Bulevard, ndërsa projekti orgjinal (që Veliaj shpalli sot të pavlefshëm) kishte 300 mijë m2 gjelbërim të planifikuar, pa llogaritur këtu rreth 1 milionë m2 gjelberim shtesë që Tirana përfiton nga projekti i Lumit të Tiranës?, thotë Bozdo. Në këtë linjë shton se 1.3000.000 m2 gjelberim gjithsej i dhuroheshin Tiranës nga projekti origjinal, që Veliaj anuloi sot me një të rënë të lapsit, ndërsa i premton kryeqytetit një park të ri, i cili në rastin më të mirë do të jetë sa 1/5 e gjelbërimit të projektit të parë! Me sa duket arsyet e vërteta të bllokimit për më shumë se dy vite e projektit të Bulevardit dhe të Lumit të Tiranës janë thjesht interesa betoni, tha Bozdo, duke shtuar se gjatë këtyre dy viteve, 2000 punëtorë humbën punën ndërsa Tirana humbi gjelbërimin mëse të nevojshëm pas batërdisë që Rama, kryebashkiaku i djeshëm dhe i sotëm, i bëri kryeqytetit në 11 vite. Në vijim ai shtoi se Veliaj, sot, në vend të kërkonte falje për të gjithë zullumet e bëra nga shefi i tij, vendos ndryshimin e projektit në emër të gjelbërimit, ndërsa projekti i mëparshëm i falte Tiranës 1.3 milionë m2 gjelbërim, pa llogaritur aspak Parkun e madh të Paskuqanit, aty ku terminonte Bulevardi i Tiranës, që tashmë do të ndërpritet nga parku i Veliajt. ?Përfundimisht, gënjeshtra dhe punët e mira për Tiranën ecin në drejtimin e kundërt! Kush kujton se mund ti`a hedhë paq duke gënjyer, thjesht gënjen veten, por jo Tiranën dhe qytetarët e saj?, tha në mbyllje Bozdo.