E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Analiza/Ku janë zhdukur paratë e tatimeve dhe doganave?

15 Gusht 2015, 07:08, Aktualitet CNA

Kryetari i PD, Lulzim Basha, ka rimarr edhe njëhetë një temë të nxehtë të kësaj vere dështimin e qeverisë për të mbledhur të ardhurat në tatime dhe dogana.?Ministria e Financave pranoi dje se 25 milion dollare ?avulluan? ne korrik nga tatimet dhe doganat. Para te qytetareve qe duhej te shkonin per rritje pensionesh dhe rrogash, asistence familjeve ne nevoje, shkolla, kopshte, cerdhe, ujesjelles apo kompensim per pronaret dhe te perndjekurit. Por nuk arriten kurre ne arken e publikut sepse perfunduan njesoj si 150 milion dollare te tjere ne xhepat e kontrabandisteve dhe qeveritareve te korruptuar. Korrupsion, kontrabande, hajduteri me cizme. Ky eshte zamku qe mban bashke dyshen Rama-Meta,? shkruan Basha në FB.

Përpos debatit për mënyrën se ku janë zhdukur këto para një debat po zhvillohet edhe për sasinë e tyre (njëqind ?e tridhjetë e katër milionë më pak në gjashtëmujorin e parë të këtij viti thotë qeveria dhe mbi njëqind e pesëdhjetë milionë dollarë më pak sipas opozitës). Por sinjali është i qartë. Qeveria ka dështuar me mbledhjen e të ardhurave që ajo parashikonte. Kjo gjë pra shkalla e lartë e mosmbledhjes së të ardhurave ka bërë që edhe misioni i FMN-së këtë radhë të largohet pa nënshkruar një marëveshje me qeverinë shqiptare.

?Evazioni dhe kontrabanda e madhe në Dogana, gjatë vitit të kaluar dhe sidomos këtë vit, shënoi momentin e një goditjeje të rëndë kundër ekonomisë në reanimacion. Ky ishte momenti që përcaktoi tërheqjen e përkohshme të misionit të FMN-së nga Tirana dhe kushtëzimin e mbështetjes së mëtejshme financiare për vendin tonë me performancën pozitive të qeverisë? shkruante në një shkrim të djeshëm në gazetën ?Panorama? Prec Zogaj. Pak ditë më parë në një intervistë për gazetën ?Dita? edhe vetë rama e ka paranuar këtë rënie të mbledhjes të të ardhurave duke shpallur një aksion me shtrëngesa dhe burgosje në shtator, për të luftuar evazionin fiskal. Po a është kjo rruga e duhur për të arritur shifrat e planifikuara? Jo thoshte në një shkrim të tijin në Lapsi.al, Armand Shkullaku: ?Vajzat reformatore të Edi Ramës që do t?i ndryshonin faqen administratës publike, dolën për faqe të zezë në misionin që ua ngarkuan në shpinë. Një dëshmi më shumë se shteti nuk mund të funksionojë as me gjetjet e rrejshme të imazhit dhe as me kërcënimin e burgut. Duhen reforma të thella e të studiuara, duhen njerëz që kanë përgjegjësi ndaj detyrës dhe ndaj emrit të tyre, duhen më parë ekonomistët e ekspertët dhe pastaj policët e taksidarët? nënvizonet ai.

Por pavarësisht se paralajmëron lëvizje drastike këtë shtator, vëtë Rama e ka paranuar dështimin në Dogana dhe Tatime. ?Eshtë e vërtetë, krahasuar me planin tonë ambicioz (jo me kohën kur qeverisnin ata, sepse s?ka asnjë krahasim), të ardhurat kanë qenë më të ulëta? i thoshte ai pak ditë më parë gazetës Dita. Dhe në arsyet që ai jepte në këtë rënie rendiste disa faktorë. Kryeministri e lidhte atë së pari më rënien e çmimit të karburanteve dhe mineraleve në tregun botëror gjë që ndikonte edhe në mbledhjen e të ardhurave në Shqipëri. Ai e lidhte gjithashtu me mosmbajktjen më të TVSH së bizneseve në mënyrë arbitrare, për të realizuar planin e tatimeve. Ai jepte si arsye tjetër edhe rënien e importeve të karburanteve dhe energjisë që do të thotë më pak të ardhura për doganat si edhe rënien e importit të cigareve se pasoje e masave të forta antiduhan.

Por sipas specialistëve du janë arsyet e vërteta të mosrealizimeve në mbledhjen e të ardhurave. Së pari se për këtë vit qeveria kishte planifikuar një rritje të të ardhurave duke u bazhar në rritjen që kish pasur viti 2014 në krahasim me vitin 2013. Por nje planifikim i tillë ishte jo realist. Sepse viti 2013 ishte një vit elektoral kur vendi ndejti pothuajse pa qeveri për muaj me radhë dhe natyrisht që viti pasardhës do të qe më i mirë. Por trendi i përmirësimit nuk mund të evolonte gjithnjë me të njëjtat ritme. Arsyeja e dytë duhet kërkuar jo tek shpjegimet që jep kryeministri, por tek evazioni dhe kontrabanda. Jo tek ajo që u shpëton tatimeve dhe doganave. Por tek ajo që bëhet me leje nga lart dhe nën hundën e tyre. Pra tek ajo që bëri të largohet FMN-në pa nënshkruar marëveshje. (lapsi.al)