web counter
LEXO PA REKLAMA!

SHKARKO APP

App Store
Google Play

E fundit!

x

Rritet vdekshmëria foshnjore me 1.9% / EUROSTAT rrëzon Ilir Beqjen

14 Gusht 2015, 08:45, Aktualitet CNA

EUROSTAT rrëzon ministrin e Shëndetësisë, Ilir Beqaj, për vdekshmërinë foshnjore. Kjo organizatë ka dhënë alarmin për rritjen e vdekshmërisë foshnjore në Shqipëri në këto dy vite. Sipas shifrave të fundit të publikuar që nga viti 2013, në 1 mijë lindje ka 7.9 foshnja të vdekura. Krahasuar me vitin 2008, që ishte 6 vdekje për 1 mijë lindje, ky indikator tregon rritje me 1.9.

Drejtori i fondacionit, World Vision për Shqipërinë, Mike O’Brien, ka sqaruar se ka disa arsye përse vdekshmëria në vendin tonë është kaq e lartë.   “Zonat rurale janë më të prekura nga problemet shëndetësore të fëmijëve, sesa zonat urbane. Kjo për shkak të mungesës së informacionit dhe aksesit të ulët në qendrat shëndetësore.

Një tjetër arsye është niveli i ulët arsimor, sidomos i nënave”, tha O’Brien. Burimet e kufizuara financiare si dhe kushtet e këqija të jetesës janë faktorë të tjerë që kontribuojnë në këtë drejtim. Krahasuar me vendet e rajonit, Shqipëria renditet si vendi i parafundit me tregues për vdekshmërinë foshnjore më negative dhe problematike në Ballkan.

Në renditje Shqipëria pasohet vetëm nga Maqedonia, e cila ka 10,2 vdekje në çdo 1 mijë lindje. Krahasuar me vendet të tjera të Europës, Shqipëria renditet shumë me poshtë se vendet e tjera. Shqipëria shënon 5 vdekje foshnjash më shumë në 1000 lindje, krahasuar me Italinë dhe rreth 4,2 më shumë sesa me Greqinë. Vdekshmëria foshnjore është një tregues i rëndësishëm për kushtet shëndetësore të një vendi.

Ky tregues përdoret për krahasimin e gjendjes së shëndetit publik. Statistikisht vdekshmëria foshnjore është numri i foshnjave që vdesin para se të arrijnë moshën 1 vjeç për çdo 1 mijë lindje.  

 





Lajmet e fundit nga