E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Saimir Tahiri, 10 ditë pushime sheikësh në Korfuz

14 Gusht 2015, 06:34, Aktualitet CNA

Informacione të reja dalin në dritë lidhur me pushimet përrallore të ministrit të Brendshëm, Saimir Tahiri në ishullin grek të Korfuzit. Ministri Tahiri i shoqëruar nga shpura e tij prej pesë makinash ka lënë kufirin shqiptar ditën e shtunë, më 1 gusht për të udhëtuar drejt Igumenicës. Prej andej ministri dhe autokolona e tij me makina luksoze janë akomoduar në tragetin e linjës Igumenicë?Korfuz. Pas një ore e gjysmë udhëtimi ata i janë drejtuar një prej resorteve më luksoze të ishullit grek, që mbahet ndryshe si krenaria turistike e Korfuzit dhe ku ai ka qëndruar për 10 ditë.

?Corfu Imperial? është një resort turistik i mrekullueshëm, ku pagesa për një natë të vetme shkon nga 900 deri në 9000 euro nata.

Nëse llogarit shpenzimet për shopping apo frekuentimet çdo mbrëmje të kazinosë në hotel ?Corfu Holiday Palace?, vlera e pushimeve 10 ditore të ministrit të Brendshëm të Shqipërisë mund të bënte të ndjeheshin keq jo vetëm oligarkët rusë, por edhe sheikët e Katarit.
Ministri Tahiri dhe autokolona e tij turistike është kthyer në Sarandë më datë 11 gusht. Në të njëjtën ditë, kur shërbyesit e tij po i dërgonin valixhet në suitën e radhës, Tahiri ka nxituar të shpërndajë fotografitë nga tarraca e një tjetër hoteli, që të na tregojë se ka qenë duke pushuar në Shqipëri.

Nëse pushimet 10 ditore të ministrit të Brendshëm të Shqipërisë llogaritet të kenë kushtuar disa dhjetëra mijëra euro, i njëjti person duhet të na tregojë publikisht biletat e udhëtimit, si i ka paguar dhe kush i ka paguar.

Ministri i Brendshëm duhet të na tregojë publikisht faturat e qëndrimit në hotel, si i ka paguar dhe kush i ka paguar.

Ministri i Brendshëm duhet të na tregojë publikisht faturat e krijuara në bare dhe restorante, si i ka paguar dhe kush i ka paguar.

Ministri i Brendshëm duhet të na tregojë publikisht faturat e rrobave dhe aksesorëve që ka blerë, si i ka paguar dhe kush i ka paguar.

Ministri i Brendshëm duhet të na tregojë publikisht faturat e pagesave që ka bërë në kazinonë e Korfuzit, si i ka paguar dhe kush i ka paguar. Fotografia që ka shpërndarë nga tarraca e një hoteli në Sarandë, nuk bën kurrfarë transparence për publikun.

Ministri Tahiri ka detyrim ligjor dhe qytetar të na tregojë edhe anëtarët e tjerë të grupit të tij turistik, si edhe lidhjet familjare dhe shoqërore që ka me ta. Ministri duhet të përgjigjet akuzave qe vijne nga mediat prane qeverise, per sonsorat e tij dhe lidhjet me vëllezërit Frroku të akuzuar per ngjarje te renda kriminale.

Fotoja e Tahirit në Sarandë gjatë kthimit

Fotoja e Tahirit në Sarandë është bërë gjatë kthimit nga pushimet në Korfuz. Tahiri ka udhëtuar drejt Sarandës ditën që në media u publikua lajmi i pushimeve luksoze në Korfuz. Fotoja është bërë dhe është dërguar me urgjencë nga stafi i Tahirit në mediat e afërta me qeverinë për të dhënë imazhin se ai nuk ka qenë me pushime në Korfuz, por në Sarandë. Megjithatë zyra e shtypit e ministrit nuk ka përgënjeshtruar lajmet e mediave për pushimet luksoze në hotelin e milionerëve në Korfuz. Arsyeja se përse nuk ka pasur një njoftim zyrtar lidhet me faktin se lëvizja e Tahirit në drejtim të Greqisë mund të provohet përmes sistem TIMS ndoshta jo atij që kontrollohet nga Tahiri, por sistemit grek.
Në këto pushime në Korfuz Tahiri është shoqëruar nga ish-drejtuesi i Njësisë Minibashkiake nr. 6, Cenollari, i cili njihet si mik i përbashkët me Tahirin dhe deputetit Mark Frroku. Sjelljet prej oligarkësh të ministrave të qeverisë sjellin në dritën e së vërtetës edhe abuzimet, korrupsionin, si dhe lidhjet me mafian të këtyre ministrave. Një ministër nuk do të mundte kurrë që vetëm me kursimet e pagës të mund të pushonte në hotele ku nata është mijera euro. Burimet e këtyre parave është e qartë se vijnë nga lidhje të tjera të abuzimit me pushtetin.