E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

Ja kush ja nxiu syrin Saimir Tahirit

11 Gusht 2015, 20:07, Aktualitet CNA

Çfarë po ndodh ndërmjet ministrit të Brendshëm Saimir Tahiri dhe shefit anti-korrupsion Ergys Hoxha? Pse Saimir Tahiri kërkon shkarkimin e drejtoreshës së IKMT Dallëndyshe Bici dhe zëvendësimin e saj me kandidatin humbës në Kamëz, Safet Gjici?

Gazeta shumë pranë kryeministrit Rama, ?Dita?, i ka bërë një goditje të fortë sot ministrit të Brendshëm Saimir Tahiri. Ndërsa ?Lapsi.al? që dha lajmin për një goditje fizike ndaj ministrit në Jalë, sot ka shkuar më tej. Ky portal jep edhe detaje rreth grushteve të pretenduar. Pse nuk flasin protagonistët për ta përgënjeshtruar lajmin e mediave të majta? Pyetje ka pa fund. Ja versioni i portalit ?Lapsi.al?:

?Nuk paska qenë e thënë që ministri Saimir Tahiri t?i kalonte dy ditë të qeta pushimi edhe jashtë Shqipërisë. Mediat zbuluan se ai gjendet në një hotel ekskluziv dhe tepër të shtrenjtë në Korfuz, gjë që do të mjaftonte për ta vënë përpara përgjegjësisë së dorëheqjes, nëse raportimi i gazetës Dita është i vërtetë. Ministri i Brendshëm i Shqipërisë, nëse i paguan vetë këto pushime, i bie që të mos ketë marrë vetëm rrogën e deklaruar por edhe ndonjë përftimim tjetër pasi me një rrogë ministri nuk mund të paguhet një hotel 2 mijë euro në natë. Por edhe nëse pushimet i paguan dikush tjetër, përsëri ministri i Brendshëm gjendet në pozitë të vështirë, pasi çdo financim duhet të jetë transparent.

Por përtej përgjegjësive ligjore dhe morale të ministrit, është fakt se diçka nuk po shkon mirë për ministrin Tahiri. Jo vetëm pushimet në Korfuz, por edhe ato në Jalë, ndërsa ishte bashkë me kryeministrin Rama nuk ishin të qeta. Përpara goditjes që i dha sot një gazetë e ergys hoxha majtë si Dita, thuhet se ministri kishte marrë edhe një goditje fizike gjatë një mbrëmje në Jalë. Lapsi.al botoi disa ditë më parë një foto ku shihej syri i djathtë i ministrit me një shenjë jo të zakonshme. Sipas disa personave që ishin atë mbrëmje në Jalë, ministri ka shkëmbyer fjalë të rënda e më pas edhe fërkime fizike me drejtuesin e antikorrupsionit në qeveri. Konflikti mes të dyve është i njohur dhe kohë më parë ai pati një kulmim publik, kur policët e Tahirit ndaluan tek Taivani shefin e antikorrupsionit. Nga kjo përplasje, shefi i antikorrupsionit u pezullua për pak kohë nga kryeministri.

Sipas burimeve nga PS, konflikti ka ardhur duke u thelluar dhe një nga shkaqet është edhe drejtimi i INUV, ish INUK. Ndonëse nën varësi juridike të ministrisë së Brendshme, inspektoriati ndërtimor drejtohet de facto nga shefi i antikorrupsionit. Ditët e fundit ka patur një debat mes drejtuesve të qeverisë për të zëvendësuar drejtoreshën aktuale Dallëndyshe Bici me ish kandidatin e PS në Kamëz, Safet Gjici. Tahiri ka qenë pro ndryshimit, madje duke mbledhur edhe fakte të një bashkëpunimi jo transparent mes Bicit dhe shefit të antikorrupsionit. Ky fakt ka mjaftuar për të ngritur tensionin, që pas fyerjeve ka kapërcyer edhe në prekje fizike.

Saimir Tahiri është larguar nga Jala me shpresë që të pushojë i qetë në Korfuz, por edhe atje ka marrë një tjetër goditje. Pushimet e tij luksoze janë denoncuar nga një gazetë e majtë, duke ngritur kështu shumë pikëpyetje me atë se çfarë po kurdiset rreth tij? shkruan Lapsi.al.