E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

QKR-ja si torture dhe makth ndaj biznesit

11 Gusht 2015, 13:01, Aktualitet CNA

Elvi FUNDO

QKR-ja një institucioni i cili u quajt një nga sukseset e pakontestueshme te qeverisë Berisha , duket se po degradon dhe po kthehet në torturë dhe makth për biznesin.

Së pari, për të kryer një procedurë normale këto ditë të nxehta vere, duhet të parashikosh që do kalosh gjysmën e ditës në rradhë, në mes të vapës, për një veprim të thjeshtë, një ekstrakt, cdo vendim tjetër apo regjistrim.

Sot në zyra të reja dhe ambiente të rikonstruktuara, pritej një shërbim më i mire dhe më pak rradhë, por në fakt ndodh krejt e kundërta. Fasada ngelet fasadë dhe shërbimi ndaj biznesit apo qytetarëve ngelet një plage e hapur që zor se do mbyllet edhe për shumë vite.

Në QKR tërheq një kupton në oren 9.00 në mëngjes dhe veprimet prit kur ti kryhesh, ne orën 12 apo 1 të mesditës. Thua se ka kaq shumë ngarkesë në punë dhe aplikime QKR? J

Në fakt sot deri në mesdite në oren 13 ishin gati 300 aplikues në pritje, për veprime të ndryshme. Ndoshta mund të ketë një rritje të numrit të bizneseve të vogla që regjistrohen pas presionit të qeverrisë, por kjo asnjëherë nuk mund të justifikojë rradhët e gjata. Rritja e numrit të aplikuesve dhe kur ka një flus të tillë, normalisht duhet të shtohen sportelet e pritjes jo te lyhen muret dhe gjithcka ti shërbeje fasadës, ndërkohë që shërbimi është përtokë, bizneset humbin orë të tërra, thjesht pritje të gjata që I rëndojnë mbi supe, atyre që mbajnë në këmbe dhe vetë shtetin me taksat e tyre.

Sot në QKR, nga 9 aportele në dispozicion punon vetëm 5 prej tyre, pra nuk është thjesht cështje aplikimesh. Pra me një fluks në rritje, sic pretendojnë vetë punonjësit e QKR, ky institucion punon me gjysmën e kapacitet. Ndoshta punonjësit janë në të drejtën e tyre te shkojnë dhe pushojnë, por kur ka fluks dhe problematikë në shërbimin ndaj biznesit ata zëvendësohen me specialist të tjerë dhe mundësisht shtohen sportelet, jot ë mbyllen gjysma e tyre. Nga një kohë prej 10-20 minuta dje, sot rradhet shkojnë me orë të zgjatura. QKR punon me gjysmen e kapacitetit ndërkohë që pretendon që ka dy apo tre fishim te aplikimeve, nga ana tjetër biznesi duhet të përjetojë një makth dhe torturë që vjen nga keq menaxhimi i shërbimit ndaj biznesit, për të mos thënë me tej një mungesë e thelle respekti ndaj motorit dhe zemrës të ekonomisë ne vendin tonë.