E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Ekzekutimi i trefishtë në Tiranë te Stacioni i Treni/ Hetim shqiptaro-holandez

10 Gusht 2015, 08:51, Aktualitet CNA

Vrasja e trefishtë në bulevardin ?Zogu I? në Tiranë, në fund të muajit maj 2015, ku mbetën viktimë e përleshjes së armatosur shtetasit Mentor Lufi, Durim Sulku dhe Gerti Goxhaj, do të hetohet nga një grup i përbashkët shqiptaro-holandez.

Nga hetimet paraprake dyshohet se ky krim e ka zanafillën në vrasjen e një shtetasi shqiptar, Ilirjan Sulku, në Roterdam të Holandës.

Për këtë arsye, ngjarja do të hetohet nga një grup i vetëm hetimor, i përbërë nga prokurorë të Krimeve të Rënda dhe të Prokurorisë së Roterdamit, në bazë të një marrëveshjeje të posaçme, që pritet të nënshkruhet pas pak ditësh ndërmjet dy strukturave hetimore, raporton Shekulli.

Në bazë të kësaj marrëveshjeje, prokurorët shqiptarë dhe holandezë do të jenë pjesë e Ekipit të Përbashkët Hetimor, një strukturë e cila krijohet për herë të parë dhe që synon të përshpejtojë veprimet hetimore në të dy shtetet për të zbardhur dy ngjarjet kriminale. Prokurorët kanë dhëna të shumta se ngjarjet kanë lidhje me njëra-tjetrën.

Sipas marrëveshjes së pritshme, informacionet që do të përftohen nga hetimi në njërin shtet, do t?i përcillen menjëherë edhe shtetit tjetër, me qëllim koordinimin e veprimtarisë hetimore. Kjo marrëveshje ndryshon nga Hetimet e Përbashkëta Paralele. HPP-të janë dy hetime të veçanta të ndërmarra në dy shtete të ndryshme me një objektiv të përbashkët.

Zakonisht, këto ndihmohen nga një rrjet oficerësh ndërlidhës ose nëpërmjet kontakteve vetjake. Zyrtarët e përzgjedhur nuk gjenden në të njëjtin vend, por janë në gjendje të punojnë bashkërisht mbi bazën e praktikave afatgjata bashkëpunuese dhe legjislacionit ekzistues për Ndihmën e Ndërsjellë Juridike, në varësi të natyrës së sistemit (sistemeve) ligjore të përfshira. Provat e mbledhura gjatë këtyre dy hetimeve përdoren për qëllim të dy proceseve të veçanta penale, të shkëmbyera përmes proceseve formale për Ndihmë të Ndërsjellë Juridike (NNJ).