web counter
LEXO PA REKLAMA!

SHKARKO APP

App Store
Google Play

Zgjedhjet, Basha 200 mijë vota më pak se Berisha

8 Gusht 2015, 11:36, Aktualitet CNA

Partia Demokratike në zgjedhjet vendore të 21 Qershorit ka mbledhur rreth 211 mijë vota më pak se në zgjedhjet parlamentare të vitit 2013, ndërsa koalicioni i drejtuar prej saj në zgjedhjet vendore ka marrë mbi 450 mijë vota më pak se ai i drejtuar nga demokratët në zgjedhjet parlamentare të 2013.

Referuar pr/vendimit të Komisionit Qendror të Zgjedhjeve që pritet të miratohet duke zyrtarizuar rezultatin zgjedhor, rezulton se demokratët në zgjedhjet e 21 Qershorit kanë mbledhur 317620 vota ose 20.33 %. Dy vite më parë në zgjedhjet parlamentare të 2013, Partia Demokratike nën drejtimin e Sali Berishës morri 528 373 vota ose 30.63 %. Pra referuar shifrave krahasuese për dy vjet PD ka humbur rreth 10 % të votave.

Në anën tjetër, Partia Socialiste vijon të konfirmohet si partia më e madhe në vend, por edhe ajo ka një rrjedhje votash që shkon deri në 300 mijë të tilla. Në zgjedhjet lokale të 2015, PS mori 402.709 vota ose 25,78 përqind, ndërsa dy vjet më parë, pra në zgjedhjet parlamentare të 2013, Partia Socialiste mori 713 407 vota ose 41, 36 përqind. Megjithëse socialistët në 2015 kanë një rënie me 16 % të votave, ata kryesojnë në shumicën e këshillave bashkiake, sikundër kanë fituar shumicën e bashkive në vend.

Referuar këtyre shifrave, të dy partitë më të mëdha politike në vend, përgjatë dy viteve kanë humbur në total rreth 500 mijë vota.

Në zgjedhjet lokale të 21 Qershorit LSI mori 259.934 vota ose 16,64 përqind, ndërsa dy vjet më parë LSI mori 180 470 vota ose 10,46 përqind.  Referuar shifrave rezulton se LSI është e vetmja mes 3 partive kryesore në vend që ka një rritje të elektoratit të saj. Gjithashtu një rritje të mbështetjes krahasuar me 2013 kanë edhe FRD e drejtuar nga Bamir Topi dhe PDIU e Shpëtim Idrizit.





Lajmet e fundit nga