web counter
LEXO PA REKLAMA!

SHKARKO APP

App Store
Google Play

Bilanci, 260 zyrtarë të kallëzuar në prokurori për fshehje pasurie

2 Gusht 2015, 06:30, Aktualitet CNA

Kryeprokurori Adriatik Llalla vijon të thyejë çdo rekord sa i takon ngrirjes, bllokimit dhe mbylljes së dosjeve të korrupsionit të pushtetarëve shqiptarë. Kur ishte në krye të Inspektoratit të Lartë të Deklarimit dhe Kontrollit të Pasurive, Llalla akuzonte çdo vit kryeprokuroren e atëhershme Ina Rama për mbylljen dhe moskonsiderimin e disa kallëzimeve penale për zyrtarët e lartë që kishin fshehur pasurinë.

Por cili është raporti i tanishëm i kryeprokurorit Llalla me dosjet e zyrtarëve që kanë fshehur pasurinë? Bilanci duket i pabesueshëm. Gjatë 18 muajve të fundit inspektori aktual, Shkëlqim Ganaj, ka referuar në organin e akuzës 260 kallëzime penale për fshehje pasurie, refuzim të deklarimit të pasurisë, deklarata të rreme dhe pastrim parash. Por sa dosje ka referuar Llalla në gjykatë? Kryeprokurori nuk ka referuar as edhe një dosje.

Gjatë vitit 2014 ILDKP ka bërë 114 kallëzime penale, ndërsa vetëm në 6 muajt e parë të këtij viti janë bërë 145 kallëzime. Ndonëse shifrat janë më të larta se të gjitha kallëzimet e bëra ndër vite nga drejtuesit e ILDKP, asnjë prej këtyre zyrtarëve nuk ka dalë para togave të zeza për të marrë dënimin e merituar. Në tryezën e Adriatik Llallës, ILDKP ka dërguar dosjet e një sërë zyrtarëve të rëndësishëm, të cilët kanë fshehur pasuritë gjatë viteve të tyre në politikë. /Sot





Lajmet e fundit nga