E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Veliaj pezullon gjithë lejet e ndërtimit në Tiranë

1 Gusht 2015, 17:44, Aktualitet CNA

Erion Veliaj ka zbatuar një nga zotimet që përmendi me dhjetra herë gjatë fushatës: Pezullimin e lejeve të ndërtimit në kryeqytet dhe anullimin e planit urbanistik të hartuar nga administrata paraardhëse. Në vend të tij kreu i ri i bashkisë së Tiranës ka pohuar se do të fillojë punë për hartimin e një plani të ri për Tiranën e madhe ?Bëhet fjalë për një projekt me afat. Ne parashikojmë që brenda një viti, Tirana të ketë plan zhvillimi të mirëfilltë, i cili do të jetë programi me të cilin do të zhvillojmë të gjitha pjesët e Tiranës, si ato qendrore, ashtu edhe ato të periferisë që përbëjnë 24 njësitë e Tiranës?, tha Veliaj.

Por ajo që shihet me dyshim në këtë frazë është fakti se ai përmend edhe zhvillimin e pjesës qëndrore të kryeqytetit, pa përcaktuar se cdo të thotë kjo. menjëherë pas zgjedhjes së tij u pa se Rama kishte organizuar një konkurs fantazëm që parashikonte një transformim brutal të sheshit Nënë Tereza, me godina që mbysnin selinë e universitetit dhe zaptonin hapsirën e gjelbër të parkut të Tiranës. Gjatë fushatës Veliaj ishte zotuar mëse një herë se gjatë mandatit të tij të parë ai nuk do të firmoste asnjë leje private ndërtimi në qendër të kryeqytetit. Dhe qytetarët presin që ai të mos mbetet në histori me këtë premtim ashtu si paraardhësi me tramin. Veliaj i bëri këto deklarata gjatë ceremonisë së nënshkrimit të një marëveshje me Ministren e Zhvillimit Urban, Eglantina Gjermeni, e cila synon hartimin e një plani të ri zhvillimor që i përgjigjet territorit aktual të Tiranës me 24 njësi të reja administrative.

Marrëveshja u nënshkrua nga Kryetari i Bashkisë së Tiranës, Erion Veliaj dhe Ministrja e Zhvillimit Urban, Eglantina Gjermeni, të cilët në fjalën e tyre vunë në dukje rëndësinë që ka për kryeqytetin pasja e një plani të mirëfilltë zhvillimor, duke qenë se Bashkia e Tiranës është zgjeruar në territorin e saj. Sipas tij, kjo nënkupton se plani ekzistues vendor, vetëm për bashkinë e vjetër të Tiranës, nga dita e sotme nuk është më në fuqi. Duke qenë se ka rënë plani i vjetër i zhvillimit, pezullohen lejet e ndërtimit deri sa ne të kemi një plan afatgjatë të zhvillimit të qytetit, në bazë të këtij bashkëpunimi me Ministrinë e Zhvillimit Urban?, sqaroi Kryetari i Bashkisë së Tiranës. Veliaj theksoi se gjatë kësaj periudhe do të bëhet verifikimi i ndërtimeve pa leje, shkeljet në urbanistikë apo edhe një audit të lejeve që janë dhënë nga bashkia. Sipas tij, kjo do të shërbejë për t?u siguruar që, nëse ka parregullsi, ato të trajtohen ligjërisht. lapsi