web counter
LEXO PA REKLAMA!

SHKARKO APP

App Store
Google Play

E fundit!

x

Analiza e socialisteve/ Pse u humben 15 bashki?

1 Gusht 2015, 07:48, Aktualitet CNA

Disa ditë pas mbledhjes së Asamblesë Kombëtare, e cila po i hap rrugë procesit të ristrukturimit dhe reformimit radikal të Partisë Socialiste, deputetët socialistë kanë identifikuar shkaqet e para të humbjes në disa bashki kryesore të vendit. Sipas burimeve të PS, ka përfunduar faza e parë e analizës së zgjedhjeve në disa nga bashkitë e fituara dhe të humbura në zgjedhjet e 21 qershorit.   Faza e parë e analizës ka përfunduar në Bashkinë e Shkodrës, por ky proces është ndjekur paralel edhe në bashki të tjera, në Jug dhe në Veri të vendit. Analiza, sipas detyrave të lëna në Asamblenë Kombëtare, është reflektuar në disa raporte. Këto raporte do përdoren për konsum të brendshëm në PS, si dhe do të shkojnë në tavolinën e kryeministrit Edi Rama.

Ndër shkaqet e humbjes, deputetët kanë renditur arsye të ndryshme sipas rëndësisë. Sipas burimeve, deputetët kanë identifikuar si arsye kryesore të humbjes në disa prej bashkive, vetë kandidatët e propozuar të PS. Në raporte thuhet se, kandidatët nuk kanë përfaqësuar vullnetin e bazës, ndërsa kanë pasur një profil të ulët. Sipas burimeve, kandidatët nuk janë konsultuar me bazën, madje dhe vetë deputetët nuk janë pyetur. Sipas raporteve të hartuara nga vetë deputetët, kandidimi i figurave të denja dhe me integritet nuk do të lejonte që PS të humbiste 15 bashki.

Mosangazhimi i strukturave është një tjetër arsye që çoi PS në humbjen e disa bashkive të vendit. Deputetët në raportet e hartuara, i kanë kërkuar kryeministrit që të marrë masa për ata anëtarë të PS, të cilët nuk u angazhuan seriozisht në fushatë. Por, gjithashtu edhe për drejtorët e administratës. Ka qenë vetë Rama që ka kërkuar nga deputetët dhe ministrat identifikimin e të gjithë drejtorëve të PS, të cilët braktisën fushatën për zgjedhjet lokale, duke ndikuar negativisht jo vetëm në rezultatin e PS, por edhe të koalicionit të majtë në tërësi. Madje, në mbledhjen e parë të grupit parlamentar socialist pas zgjedhjeve lokale, Rama është shprehur se në fushatë më shumë kanë punuar drejtorët e PD sesa të PS.





Lajmet e fundit nga