E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Operacioni "fshesa" në Bashkinë e Tiranës

1 Gusht 2015, 08:01, Aktualitet CNA

Vala e shkarkimeve në Bashkinë e Tiranës ishte e pashmangshme. Pikëpyetjet lidhen vetëm me masivizimin e fshesës, radikalitetin e reformës dhe numrin e agjencive që do të spastrohen nga shpura e militantëve që nuk e kanë ditur as edhe një ditë se për çfarë pune e kanë marrë rrogën. Në ditën e parë të punës së Erion Veliajt si kryebashkiak ka ardhur shkarkimi i pritshëm i drejtorit të Inspektoriatit Ndërtimor Urbanistik Vendor, Florenc Hoxha.

Po vëmendja është fokusuar tek qindra punonjës të rangjeve të ulëta, të cilët paguhen prej katër vitesh falë teserës partiake, lidhjet etj. Çfarë po ndodh me administratën e Bashkisë së Tiranës pas betimit të Erion Veliajt si kryebashkiak? Sipas burimeve, kryebashkiaku Veliaj ka pohuar se administrata e ujësjellësit, pastrimit, gjelbërimit, transportit dhe kupola e inspektoratit ndërtimor nuk u përgjigjet sfidave të programit të tij si dhe nuk është në shërbim të qytetarëve.

Për pasojë, mësohet se Veliaj ka urdhëruar pezullimin e përgjegjësve për këto sektorë. Megjithatë, sipas burimeve, drejtuesit e këtyre agjensive dhe sektorëve në Bashkinë e Tiranës nuk janë njohur ende me urdhrin e ri dhe me arsyet e pezullimit. Gjithsesi, burimet saktësojnë se nga ora në orë pritet largimi i tyre, ndërsa pjesë e fshesës do të jenë punonjësit e këtyre strukturave, shërbimet e të cilave lënë shumë për të dëshiruar. Një panik dhe tendosje ka përfshirë të gjithë administratën e Bashkisë së Tiranës. Burime brenda bashkisë, bëjnë me dije se dita e parë e punës së kryebashkiakut të ri është përjetuar dramatikisht. Të gjithë punonjësit janë treguar korrekt me oraret dhe zbatimin e rregullave, për të mos krijuar asnjë shkak për vërejtje dhe kritika, çka mund të pasonte me largim nga puna.

Beteja për largimin e drejtorëve kryesorë ka nisur. Veliaj po ushtron presion për dorëheqjen e drejtorëve të tjerë, disa prej të cilëve kanë bërë rezistencë. Disa drejtorë po zbatojnë udhëzimet e Bashës, duket refuzuar të largohen, deri kur t?u shkojë shkresa e shkarkimit. Sipas burimeve, Veliaj dhe bashkëpunëtorët e tjerë po ndjekin një strategji, me qëllim që lëvizjet të sjellin sa më pak kosto. Disa drejtorë kanë statusin e nënpunësit civil dhe si të tillë mund të fitojnë gjyqet në gjykata. Ndaj shkarkimi do të jetë veprimi përfundimtar. Fillimisht do të synohet dorëheqja e tyre. Deri më tani janë larguar drejtori i INUV, drejtori i Punëve Publike, i Urbanistikës, i Projekteve dhe i Tatimeve. Drejtorët e dorëhequr Sipas burimeve, disa prej drejtuesve kryesorë të administratës ?Basha?, si Taulant Zeneli, Etion Kapedani, Lindita Dedgjoni, Florian Pustina kanë dhënë dorëheqjen ende pa u zhvilluar ceremonia e betimit të Veliajt në krye të Tiranës. Ndryshe nga administrata qendrore, administrata e pushtetit lokal është më e pambrojtur nga largimet dhe shkarkimet nga puna, për arsye politike dhe hakmarrje. Legjislacioni i ri i jep të drejtë kryetarit të bashkisë largimin dhe emërimin e punonjësve të administratës në të gjitha nivelet, në mënyrë arbitrare dhe subjektive.