web counter
LEXO PA REKLAMA!

SHKARKO APP

App Store
Google Play

E fundit!

x

Qeveria miraton kushtet e transportit per nxenesit e mesuesit, ja kush perfiton

29 Korrik 2015, 16:18, Sociale CNA

Në mbledhjen e sotme të Këshillit të Ministrave është marrë vendim për përdorimin e fondeve publike për transportimin e punonjësve arsimorë dhe të nxënësve që mësojnë jashtë vendbanimit. Kategoritë që përfitojnë janë drejtorët, nëndrejtorët dhe mësuesit e institucioneve arsimore publike bazë, të cilët punojnë jashtë qendrave urbane, qytetit apo fshatit, në largësinë mbi 5 km nga kufiri i njësisë përbërëse administrative të vendbanimit të tyre të përhershëm, dhe kthehen brenda ditës. Sa i takon nxënësve, përfitojnë ata që ndjekin institucionet arsimore publike të arsimit bazë ose kopshtet publike, që udhëtojnë, nga vendbanimi përhershëm në një vendbanim tjetër, mbi 2 km larg institucioneve arsimore publike më të afërta (shkollë/kopsht); Në asnjë rast nuk përfitojnë shpenzime transporti nxënësit apo fëmijët që udhëtojnë mbi 2 km, nëse në vendbanimin e tyre funksionojnë institucionet arsimore publike. Gjithashtu përfitojnë edhe nxënësit e arsimit parauniversitar me aftësi të kufizuara që gëzojnë statusin ligjor të invalidit, që nuk shikojnë, që nuk dëgjojnë, invalidit paraplegjik dhe invalidit tetraplegjik. Masa e shpenzimeve përllogaritet në bazë të numrit të nxënsve dhe mësuesve, numrit të ditëve mësimore, çmimit mesatar të biletës për linjat ndërqytetase apo rrethqytetase të shërbimit të transportit.





Lajmet e fundit nga