web counter
LEXO PA REKLAMA!

SHKARKO APP

App Store
Google Play

Hyrje-daljet e shqiptarëve janar korrik: Kthehen 78 mijë persona më pak në 2015-n

28 Korrik 2015, 18:00, Sociale CNA

Numri i lartë i personave që nuk janë kthyer në atdhe për 2015-s në raport me 2014-n është një tregues indirekt i dukurisë së kërkimit të azilit, kryesisht në shtetet e BE-së?

Janë rreth 2.2 milionë shtetas shqiptarë që kanë dalë jashtë vendit për periudhën janar-21 korrik 2015, sipas të dhënave që Monitor ka marrë nga Ministria e Brendshme/Drejtoria e Kufirit. Numri i personave që kanë dalë nga vendi në periudhën në fjalë është rreth 7.6% më i lartë se janar-21 korrik i një viti më parë, apo rreth 156 mijë persona më shumë.

Po në të njëjtën periudhë, hyrjet e shtetasve shqiptarë në Shqipëri ishin 1.94 milionë persona, apo 4.1% më të larta se e njëjta periudhë e një viti më parë.

Ajo që bie në sy është diferenca e lartë mes daljeve dhe hyrjeve për dy periudhat përkatëse. Në janar-21 korrik të një viti më parë kjo diferencë ishte 178 mijë persona, ndërsa për 2015, ajo ka kërcyer në 256 mijë, apo 78 mijë persona më pak që janë kthyer në atdhe në janar-21 korrik 2015.

Ndonëse jo 100% i saktë (askush nuk e mat qëllimin e daljes dhe hyrjes së shtetasve shqiptarë dhe as nuk raporton periudhën e qëndrimit) ky është një tregues indirekt i fluksit të lartë të azilantëve, një dukuri kjo që ka qenë mjaft e dukshme në muajt e parë të 2015-s.

Statistikat zyrtare masin vetëm hyrje-daljet e shqiptarëe, ndërsa është e pamundur që të matet qëllimi i daljes nga Shqipëria për personat që largohen. Vetëm shtetet përkatëse, kryesisht të BE-së, japin shifra për numrin e azilkërkuesve, ndërsa INSTAT mund ta masë këtë dukuri, si dhe arsyet që shtynë persona të ndryshëm të kërkonin azil, vetëm në vitet në vijim, përmes anketimeve që do të zhvillojë në terren. Monitor.al





Lajmet e fundit nga