web counter
LEXO PA REKLAMA!

SHKARKO APP

App Store
Google Play

E fundit!

x

E vërteta e bojkotit të gazetarëve/ Si e braktisën Shkëlqim Canin

26 Korrik 2015, 11:14, Denoncim CNA

Gazetarët e ekonomisë bojkotuan në bllok një takim informal me ministrin e financave, Shkëlqim Cani ditën e shtunë.  Në një rast të rrallë në median shqiptare, 18 gazetarët e thirrur në takimin informal nuk u paraqitën në takim, duke bojkotuar ministrin me arsyetimin se ata janë arrogantë me median.

Pas dështimit të takimit, zyra e shtypit e ministrisë njoftoi se takimi ishte anuluar.

 

Gazetarët e ekonomisë rendisin disa arsye pse marrëdhëniet e ministrisë së financave me gazetarët e ekonomisë kanë mbërritur deri në bojkot,  duke theksuar faktin se është një rast i rrallë në 25 vitet e fundit.

Muajt e fundit Ministria e Financave ka shënuar regres të dukshëm duke fshehur ose vonuar publikimin e informacioneve që duhet të jenë publike.

Sipas  tyre, një nga arsyet kryesore që cuan në bojkotin e takimit me kreun e Financave ishte gjuha dhe modeli i komunikimit me gazetarët, por edhe publikun e gjerë.

Gazetarët e ekonomisë bën analogji me të shkuarën famëkeqe, kur segmente të pushtetit ushtronin trysni ndaj mediave dhe gazetarëve.

Vecanërisht gjatë muajve të fundit, në më shumë se një rast në njoftimet apo deklaratat zyrtare të këtij institucioni është përdorur një gjuhë totalisht e papranueshme urrejtje dhe ofenduese ndaj gazetarëve. Pa përfshirë këtu trysninë e ushtruar në rrugë informale, vecanerisht ndaj atyre qe kanë patur qëndrime kritike ndaj këtij institucioni.

Një model i tillë komunikimi nga ana e institucionit të Financave  është shndërruar në një pengesë serioze për lirinëe gazetrarëve dhe punën e përditshme për informimin e publikut në mënyrë të saktë, korrekte dhe të paanshme.

Të ndodhur përballë kësaj situate, gazetarët e ekonomisë kanë parë të arsyeshme bojkotin e takimit,  duke shpresuar se kjo do të nxisë rishikimin e gjuhës, modelit por edhe praktikave të komunikimit në ministrinë e Financave.





Lajmet e fundit nga