E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Vjedhja me miliona euro/Kush qëndron pas skandalit të ilaçeve?

26 Maj 2015, 22:00, Denoncim CNA

Si u zbulua megaskandali i recetave fallco që bënin kthimin e parave nga fondi i rimbursimit të ilaçeve? Pas gjithë kësaj afere që po zbulohet dita ditës nuk qëndron një rastësi. As një zbardhje si pasojë e një kërkimi rutinë. Ajo ç?ka ndodhur është më komplekse. Lajmet e para krijuan konfuzion. Fillimisht Prokuroria njoftoi se do të fillonte hetimin për 4 farmaci inekzistente, të cilat merrnin paratë e ilaçeve që gjoja u jepnin pacientëve. Fjala është për ato medikamente që shteti ua paguan pacientëve me sëmundje të rënda si kanceri. Por nuk kaloi pak kohë dhe skandali rezultoi të jetë më i madh, sepse dyshohet se nuk kanë qenë 4 por plot 47 farmaci që kanë marrë pjesë në këtë lojë të grabitjes së parave publike. Gjithshka ka nisur kur për 4 farmacitë e para, të cilat morën një shumë prej 420 mijë eurosh rimbursim, filloi një hetim nga auditi i zyrës së antikorrupsionit në Kryeministri. Rezultatet në të cilat ata arritën qenë të frikshme. Ata hartuan një raport rreth 50 faqe ku zbulohet qartë se përmasat e abuzimit janë shumë më të mëdha.Ato shkojnë në disa miliona euro. Pikërisht këto konkluzione ata ia dorëzuan edhe zyrtareve te Fondit te Sigurimeve shendetesore. Bëhej fjalë për rimbursim të lekëve për mijëra ilaçe që kushtojnë nga 350 deri në 800 mijë lekë për copë. Abuzimi qe alarmant. Por si për cudi këtë abuzim, i cili përshkruhej në raportin e auditit zyrtarët e Fondit të Sigurimeve Shëndetësore e mbajtën të fshehtë. ?Në vend që t?ia përcillnin Prokurorisë, ata zgjodhën një manovër tjetër. Bënë denoncim vetëm për 4 farmaci duke u munduar të zvogëlonin përmasat e skandalit, me shpresën se ai do të shuhej?, i ka thënë ABC Neës një burim i Prokurorisë. Pikërisht kështu shpjegohet faki se fillimisht u fol për 4 farmaci mashtruese, ndërsa sot po hetohet për plot 47 të tilla. Prokuroret kanë thënë se hetimet do te zgjerohen me tej. Ne hetime do përfshihet edhe raporti i përgatitur nga auditi, sipas te cilit shuma e vjedhur dyshohet të jete disa ?miliona euro.? Hetimet e Prokurorise do te perfshijne rimbursimin e ilaçeve qe nga fillimi i vitit 2014, ndryshe nga sa parashikohej ne denoncimin e bere nga fondi i sigurimeve, qe pefshinte periudhen nga nentori 2014 deri ne prill te 2015.

Po çfarë ka pasur për të fshehur në të gjithë këtë histori? Burime te ABC News japin nje shpjegim te mundshem se perse ne Prokurori u referuan vetem 4 farmaci qe kishin falsifikuar recetat mjekesore. Ne mesin e përfituesve janë edhe të afërmit e zv/drejtorit aktual të Fondit të Sigurimeve të kujdesit të detyrueshëm shëndetësor, Sokol Skura i cili dyshohet se është në epiqendër të manovrës së fshehjes.
Bashkëshortja dhe kunata e zv/drejtorit Skura, thuhet në raport, kanë përfituar ilaçe të rimbursueshme nga këto kontrata, duke shtuar se në asnjë rast farmacitë e tyre nuk janë kontrolluar. Mos dorëzimi i këtij raporti, mund të ketë pasur qëllimin që drejtuesit e këtij institucioni kanë dashur të përqendrojnë hetimin e Prokurorisë vetëm në 4 farmaci.

Faksimile e reportit te auditit ku permenden edhe emrat e te afermve te Skures
Mes farmacive që do të hetohen janë edhe ato të të afërmve të zv/drejtorit Skura, i cili ka qenë kandidat për deputet në 2013, dhe njeri shumë pranë deputetit Taulant Balla. Në këto zgjedhje ai është përfshire në listat e këshilltareve bashkiake në Librazhd.