E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Sindikata e Punonjësve të Durrësit denoncon Ujësjellësin: Po na shkelen të drejtat

5 Maj 2015, 13:56, Denoncim CNA

Sindikata e Bashkuar e Punonjësve të Durrësit, përballet sot përpara një fakti ku është shkelur një e drejtë bazike dhe kushtetuese e mbrojtjes së marëdhënieve të punës midis punëdhënesve dhe punëmarrësve bazuar tek e drejta e punëtorëve si dhe bazuar në legjislacionin shqiptar, detyrimet ndërkombëtare të pranuara nga Shteti Shqiptar, zbatimi 20 vjeçar i këtyre marëdhnieve për të drejtat dhe detyrimet e punëdhënësve dhe punëmarrësve!

Sindikata e Punonjësve të Durrësit në raport me Ujësjellës Kanalizimet Durrës ka një marrëdhënie tashmë të konsoliduar në 20 vjet me anë të një Kontrate Kolektive për Punonjësit e Sh.a Ujësjellës Kanalizime Durrës. Për herë të parë, këto marëdhënie kontraktuale janë prishur në mënyrë të njëanshme në kundërshtim me legjislacionin shqiptar, kushtetutën dhe të drejtat e njeriut si dhe me praktikën ligjore të deritanishme pa asnjë justifikim ligjor.

Sipas ligjit:

– Bazuar në Vendimin e Gjykatës

– Detyrimit kontraktual bazuar te Kodi i Punës

– Kushtetutës së Republikës së Shqipërisë

– Konventat Ndërkombëtare të Ratifikuara nga Republika e Shqiërisë

– Kodin e Punës së Republikës së Shqipërisë dhe aktet nënligjore të nxjerra në zbatim të tij.

– Statutin e Sh.A Ujësjellës Kanalizime.

– Rregulloret e brendëshme të shoqërisë dhe cdo akti tjetër në fuqi

– Bazuar te Këshilli i Kombëtar i Punës

– Bazuar te marëdhënie e deritanishme juridike e konsoliduar prej 20 vjetësh në pergjithësi dhe në rastin konkret në raportit midis Sindikatës dhe Ujësjellës Kanalizime Durrës sh.a

Për sa më lartë Sindikata dhe Ujësjellës Kanalizime Durrës sh.a duhet të kishin rinovuar kontratën kokektive të punës! Sot punëmarrësit janë pa mbrojtjen e një kontrate kolektive duke u shkelur rëndë të drejtat e tyre me pasoja të rënda në marëdhëniet e tyre të punës dhe zgjidhjen e konflikteve dhe mosmarëveshjeve në rrugë jogjyqësore dhe gjyqësore.

Sipas kodit të punës të neneve 163,164 dhe 165 kontrata kolektikve është një detyrim ku Sindikata e Bashkuar e Punonjësve të Durrësit, e ka kryer këtë detyrim dhe ku Ligji ia garanton këtë të drejtë dhe detyron Ujësjellës Kanalizime Durrës sh.a ta zbatojë.

Ndërkohë Ujësjellës Kanalizime Durrës sh.a, refuzon zbatimin e ligjit duke u hequr të drejtën punëmarrësve për mbrojtje dhe duke shkelur liritë dhe të drejtat sindikale dhe të mbrojtjes së marëdhnëieve të punës.

Aktualisht punonjësit nuk kanë asnjë të drejtë që të mbrohen nga Kontrata Kolektive.

Ujësjellës Kanalizime Durrës sh.a sjell një pretendim të paligjshëm për moslidhje të kontratës kolektive ndërkohë që në çdo kohë kjo kontratë është e domosdoshme të lidhet midis palëve. Për më tepër që Ujësjellës Kanalizime Durrës sh.a përsëri jep një justifikim që nuk ka bazë ligjore por edhe nuk është i vërtetë që Sindikata e Bashkuar e Punonjësve të Durrësit nuk ka dorëzuar propozimin për kontratën kolektive ndërkohë që pas shumë diksutimeve 1 vjeçare një format i draft kontratës është dorëzuar që në 17.11.2014. Asnjëherë Ujësjellës Kanalizime Durrës sh.a nuk ka dorëzuar në ndonjë rast shkresë, kërkesë apo njoftim ndaj sindiaktës me përjashtim të këtij refuzimi në dt. 09.04.2015.

Për herë të parë në 20 vjet shkelet një marrëdhënie legjitime tashmë midis Ujësjellës Kanalizime Durrës sh.a dhe Sindikatës së Bashkuar të Punonjësve të Durrësit, kjo vjen menjëherë pas marrjes nën pronësi të Ujësjellës Kanalizime Durrës sh.a nga Bashkia Durrës, ku ky refuzim bëhet në prag të fushatës zgjedhore si një presion i hapur politik me qëllim influencimin e punëmarrësve.

Ujësjellës Kanalizime Durrës sh.a në prag të fushatës zgjedhore, ku mendojmë se ky është një presion i hapur politik ka detyruar të gjithë punonjësit të firmosin një kontratë kolektive anonime pa i sqaruar punonjësit e kësaj ndërrmarrjeje !

Sot jemi përballë një shkelje të rëndë të ligjit, kushtetuës, detyrimeve ndërkombëtare të pranuara nga shteti shqiptar, të drejtave të njeriut si dhe thyerjes në mënyrë të njëanshme të një besimi reciprok të krijuar për 20 vjet midis Sindikatave dhe punëdhënësve publik.