web counter
LEXO PA REKLAMA!

SHKARKO APP

App Store
Google Play

Rama presion me telefonata deputetëve për të votuar ligjin që godet universitetet publike

21 Korrik 2015, 06:09, Politikë CNA

Projektligji për arsimin e lartë në Shqipëri, ashtu siç edhe pritej, ka shkaktuar një turbullirë në koalicionin në pushtet, duke ravijëzuar dy fraktura të rrezikshme. Drafti që godet fatalisht universitetet publike në Shqipëri, duke u dhënë në të njëjtën kohë prona publike dhe financuar me paratë e buxhetit të shtetit universitetet private, jo vetëm nuk ka marrë miratimin e Lëvizjes Socialiste për Integrim, aleates kryesore dhe vendimtare të PS, por nuk ka as mbështetjen e shumicës së deputetëve të vetë Partisë Socialiste.

Të vetëdijshëm për interesat klienteliste që reflekton dhe për pasojat shkatërrimtare në arsimin publik, një pjesë e deputetëve të Partisë Socialiste, ndonëse jo publikisht, janë kundër projektligjit të arsimit të lartë, sipas variantin që mbrojti qeveria në Kuvend. Në këto kushte, nëse Rama dhe Nikolla do ta hedhin në votim variantin e tyre, një pjesë e deputetëve socialistë pritet të votojnë kudër ligjit, disa do të abstenojnë, ndërsa shumë të tjerë kanë zgjedhur një tjetër lëvizje taktike, duke mos marrë pjesë në seancë.

Nga ana tjetër, kryeministri Edi Rama, gjatë orëve të fundit, ka shfaqur dhe demonstruar shenja pasigurie dhe nervozizmi sa i takon votimit të projektligjit për arsimin e lartë në seancën e parafundit plenare për këtë sesion parlamentar./ Sot





Lajmet e fundit nga