E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Anëtarësimet e reja, Rama: Regjistër dixhital në Partinë Socialiste

18 Korrik 2015, 09:12, Politikë CNA

Partia Socialiste ka mbledhur paraditen e kësaj të shtune Asamblenë Kombëtare. Gjatë fjalës së tij, kryeministri Edi Rama bëri të ditur se brenda vjeshtës do të miratohet në Kuvend reforma në drejtësi.

?Realizimi i reformës në drejtësi duke bërë të mundur hedhjen e një hapi që do e hedhi me patjetër brenda vjeshtës së këtij viti, me votimin në Parlament të reformës dhe do të mundësojmë kështu çeljen e një beteje të madhe pa asnjë kompromis dhe tolerancë ndaj korrupsionit në sistemin e drejtësisë, po dhe arritjen e objektivit pë të çelur negociatat vitin e ardhshëm.

Së paku, sa i takon kryerjes së detyrave nga ana jonë. Sidoqoftë besoj se do të shkojmë shumë fort në atë moment se reformat tona do të vazhdojnë?, tha Rama.

Ne do të riorganizojmë Partinë Socialiste për të pasur energji të ripërtërira për fitoren e zgjedhjeve të 2017, sikundër në 25 vjetorin e themelimit të PS-së ne do të shtojmë numrin e anëtarëve nga 100 mijë në 150 mijë, përmes një procesi hapjeje.

Një tjetër moment i rëndësishëm do të jetë regjistri digjital, ku cdo anëtar nga kryetari i saj dhe deri tek anëtarët më të thjeshtë duhet të regjistrohen.

Në këtë regjistër, që është një projekt i madh inovativ, komukimi dhe vendimmarrjeve me bazë të gjerë, ne do të mund të shmangim anëtarësimet fiktive, sikundër do të kemi mundësi të vlerësojmë punën dhe aftësitë e cdo anëtari në Partinë Socialiste?, theksoi Rama.

Kryeministri gjatë fjalës së tij vlerësoi qeverisjen në këto dy vjet sidomos në fushën e rendit, sigurisë dhe arsimit.

?Kemi arritur numrin më të vogël të krimeve dhe zbulueshmërinë më të madhe dhe kjo falë punës së ministrit të Brendshëm, i cili me reformat e ndërmarra futi në drejtimin e duhur Policinë e Shtetit.

Po kështu në arsim, ministrja e Arsimit ka ndërmarrë një reformë gjithëpërfshirëse dhe të thellë duke kthyer në drejtimin e duhur edhe këtë fushë.