E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Intervista/ Bedri Hoxha: Në krye të PD janë njerëz të futur nga dritarja

20 Korrik 2015, 12:52, Politikë CNA

Deputeti demokrat i Qarkut të Dibrës, Bedri Hoxha konsideron se një nga faktorët e humbjes së thellë të PD-së në 21 qershor, ishin njerëzit e katapultuar e të vendosur në krye të skuadrave zgjedhore. Në një intervistë për ?Shqiptarja.com? ai tha se emergjenca e PD-së është nxjerrja e përgjegjësive, ku, kushdo që nuk e ka bërë si duhet punën e tij, duhet të hapë rrugë për të tjerët. Sipas Hoxhës, përgjegjësi duhet të mbajnë të gjithë, duke përfshirë dhe ish ministrat e qeverisë ?Berisha?. Ai shprehet se në Qarkun e Dibrës PD humbi një nga ?bastionet? e djathta, bashkinë Dibër dhe kjo humbje, sipas tij, do të analizohet me shumë kujdes me qëllim rikuperimin e gabimeve tona politike në të ardhmen.

Për Dibrën, edhe kryetari Basha është shprehur në mënyrë specifike. Mendoj se ndikuan një sërë faktorësh në këtë humbje: rivaliteti në mes të klaneve brenda partisë atje, qefmbetjet dhe inatet deri në ekstrem brenda llojit mendoj se janë faktorët kryesorë që çuan në humbjen e një kandidati me eksperiencë dhe vlera siç është z. Ilir Krosi.

Sa i takon përgjegjësve për humbjen e PD në zgjedhjet e 21 qershorit, Hoxha shprehet se askush nuk mund t?i shmanget përgjegjësisë për humbjen.

?Padyshim që përgjegjësisë për humbjen nuk mund t?i shpëtojë askush. Kryetari Basha i ka pranuar përgjegjësitë e tij për humbjen, por unë nuk kam dëgjuar përgjegjës të tjerë si ish-ministra të kabinetit ?Berisha?, ish-zyrtarë të lartë, ish-drejtorë të përgjithshëm që në tetë vite morën frytet e pushtetit, në një farë mënyrë punuan për humbjen e PD-së dhe tani janë zhdukur në drejtim të paditur. Sipas meje edhe kandidatët kanë mjaft përgjegjësi. Gjithmonë në proceset përzgjedhëse në parti selitë ziejnë nga kandidatët e mundshëm për kryetarë.

Shumica e tyre mendojnë se janë më të mirët, lobojnë dhe nuk lënë gurë pa lëvizur për të kandiduar, harrojnë se nuk do të emërohen, por do të zgjidhen nga populli. Për mua kandidatë më të mirë janë ata që heshtin dhe i thërret partia për t?i shërbyer. Sipas meje opozita në shumë raste gaboi edhe në përzgjedhjen, edhe në vënien në lëvizje të strukturave të saj. Në shumë zona ato qenë inekzistente, si në Tiranë dhe shumë rrethe të tjera? deklaroi ai.