Braçe: Fituesi në popull nuk mund të shpallet humbës në Parti

19 Korrik 2015, 11:41, Aktualitet CNA

Një ditë pas mbledhjes me dyer të mbyllura të Asamblesë Kombëtare të PS-së, ka reaguar deputeti socialist, Erjon Brace. Përmes një postimi në Facebook, ai ka komentuar lidhur me përplasjet mes deputetit Ben Blushi dhe kryetarit të PS-së Edi Rama për zgjedhjen e kryetarit të partisë pasi i ka mbaruar mandati.

Sipas tij, duhet ndërtuar një Parti Socialsite e Re, e e shpejt dhe moderne në komunikim, deri në lëvizje për beteja politike e sociale.

Brace nënvizpn faktin se kryetari i PS do të zgjidhet , por kjo cështje kur ngrihet si cështje thelbësore kërkon moral, pasi sipas deputetit socialist, fituesi në popull nuk mund të shpallet humbës në Parti.

Statusi i plotë i Erion Brace në Facebook

‘Per te bere punen time si socialist i zakonshem,
per te komunikuar, bindur, perfshire, bashkuar, levizur, fituar, nuk me duhet as karrigia e as Kryetari; Kryetari te beje te tijen.
Dje, fituesi ishte profesor Servet Pellumbi!
I qete, i kthjellet, analizues, kritik por frymezues!
Nderhyri ne nje moment kur nje tjeter aty po kerkonte me cdo kusht perplasje dhe thyerje; ndryshoi teresisht cilesine e debatit.
E orientoi drejt se ardhmes, asaj qe i intereson socialisteve.
Idea e profesorit per ?partite masive?,
mbeshtetur fort ne strukturen tradicionale ne territor, shtuar dhe modernizuar ne komunikim per tu shderruar shpejt ne ?levizje? politike por me shume sociale, perfshirese ne beteja po te tilla ne popull, ishte e duhura; aktuale dhe moderne sa i shderroi tezat me ?zgjedhje kryetari? ne te vjetra, shume te vjetra, ne pak minuta.
Nje sere dokumentash te paraqitura nga Rama dhe qe u miratuan dje;
shkojne ne kete drejtim;
Duam nje Parti Socialiste te Re, te tille, te forte ne struktura, te shpejte e moderne ne komunikim, masive deri ne levizje per beteja politike e sociale, kulture gjithashtu.
Me rregulla; edhe ato te perbashketa, te gjithpranuara e te barabarta per secilin, pavaresisht ne eshte bujk qe na bashkohet apo shkrimtar, punetor apo artist, administrator, edukues, pedagog, shkencetar apo thjesht deputet, minister, kryeminister.
Rregulla qe i vendosim bashkerisht, duke komunikuar, konkuruar, jo duke imponuar,
fyer apo shperfillur, relativizuar e ne fund braktisur fare ate ne krah, secilin individualisht ne shumice, madje ne mes te nje beteje;pa u perballur, as perplasur per tu thyer!
Eshte e vjeter kjo ?histori? ne kete Parti, prej 1996-tes, se bashku me ate sulmin individual per te fyer e poshteruar tjetrin e shquar si shenjester e lehte, pa respekt por me arrogance;
Eshte e demshme, te le vetem!
Ne na duhet analiza;kete duhet te bejme sic eshte kalendarizuar, organizate me organizate, por jo per tu mpakur duke perjashtuar, perkundrazi-per tu shtuar, ne cdo ndertese fshati apo qyteti, per tu hapur duke perfshire njerez te zakonshem ne te perditshmen e tyre e te jashtezakonshem ne ate qe dine, ne ate qe bejne, ne ate qe kane arritur, ne ate qe besojne, te Majten e perbashket. Ambicie e pasion i do patjeter nje Parti e Re.
Njerezit na permiresojne! Jo karrigia!
Ndaj ajo ceshtja e kryetarit qe ishte shkaku per thyerje dje, eshte e fundit, fare e fundit sipas rregullave tona por po aq e fundit nese mendojme levizjen, si trendi fitues sot ne te majte.
Patjeter qe duhen zgjedhjet dhe ato nisin nga organizata,
Kryetari do te zgjidhet gjithashtu. Por kjo ceshtje kur ngrihet si ceshtje thelbesore kerkon moral;
fituesi ne popull nuk mund te shpallet humbes ne Parti.
Nuk qendron, nuk ka moral!
Por ne duhet ta zgjedhim kryetarin!
As ai se mendon ndryshe dhe kjo u tha qarte e vendosmerisht dje!
Po ndal ketu per te thene se:
per te fituar nje beteje politike apo sociale, duhet te jem fitues une, ti, ne, te gjithe bashke, masivisht; per te bere punen time si socialist i zakonshem, per te komunikuar, bindur, perfshire, bashkuar, levizur, fituar nuk me duhet as karrigia e as Kryetari; kryetari te beje te tijen.
Dje nuk ndodhi ndonje cudi!
Ishte nje dite e zakonshme pune ne Partine Socialiste.