E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Debat Topalli-Basha në grupin e PD-së/Pse hesht Opozita për ligjin e Arsimit të Lartë

15 Korrik 2015, 14:05, Aktualitet CNA

Edhe mbledhja e radhës e grupit parlamentar të partisë Demokratike nuk ka kaluar pa debat. Sërish ish-kryetarja e Kuvendit, Jozefina Topalli ka pasur kritika për kreun e partisë, këtë radhë për qëndrimin indifferent, në rastin më të mirë, të Opozitës për ligjin e Arsimit të Lartë. Topalli ka theksuar se Opozita e ka braktisur opinionin publik, që njëzëri me komunitetin e studentëve dhe të pedagogëve ka dalë kundër projektligjit të Qeverisë. Opozita dhe PD gjithnjë, ka thënë ajo, kanë qenë në krah të rinisë, por për Arsimin e Lartë ka mbetur në heshtje, duke u mjaftuar vetëm me disa konferenca shtypi.

Lulzim Basha mësohet se ka deklaruar se e kishte lënë për në fund këtë cështje, mirëpo është bashkuar me Topallin për një reagim më të vendosur.

Gjithsesi, në pritje të këtij reagimi të Opozitës së Bashës ka një vit rresht që partitë opozitare dhe PD, në mënyrë të vecantë, heshtin për ligjin e Arsimit të Lartë. Si asnjëherë më parë, Qeverisë I është bërë oponencë me disa konferenca të rralla shtypi dhe me ndonjë debat të dështuar televiziv. Një gjë e tillë duket qartë se ndodh për shkak të miqësisë së ngushtë mes Lulzim Bashës dhe Henri Cilit, një prej njerëzve kryesorë edhe në fushatën e Bashës për zgjedhjet e 2011.

Nga ana tjetër, faktor në këtë heshtje opozitare është edhe analisti Artan Hoxha, një person që drejton kioskën universitare TBU. Të dy këta mbajën peng Opozitën për ligjin e Arsimit të Lartë sikundër edhe figurat opozitare, ish-ministrat e Arsimit, Genc Pollo e Myqerem Tafaj që janë përgjegjës për licensimin e universiteteve të tyre.

Rasti i ligjit për Arsimin e Lartë përbën një pengmarrje të Opozitës nga oligarkia dhe klanet klienteliste. Oligarkia dhe lidhjet klienteliste që anatemohen me forcë nga Opozita dhe kreu I saj, Lulzim Basha duket se nuk kanë të bëjnë vetëm me Qeverinë.

Ato ?lulëzojnë? edhe në rrethet opozitare duke lënë pa përkrahje, në këtë mënyrë, komunitetin e studentëve dhe pedagogëve, qarqet akademike dhe publikun që ka dalë hapur në kundërshtim të ligjit të Arsimit të Lartë.