web counter
LEXO PA REKLAMA!

SHKARKO APP

App Store
Google Play

KLSH zbardhi mashtrimet e ministres Nikolla

15 Korrik 2015, 08:26, Aktualitet CNA

Gazeta ?SOT? dhe CityFm.al kanë denoncuar prej muajsh aferën skandaloze që Ministria e Arsimit dhe Sportit ka bërë në kurriz të studentëve shqiptarë, duke bllokuar prej 3 vitesh ciklin e tretë të studimeve apo siç njihet ndryshe doktoraturën për universitetet shtetërore, dhe duke ia lënë këtë të drejtë ekskluzive vetëm një universiteti privat siç është Universiteti Europian i Tiranës, i cili administrohet nga kamponi i përfitimit nga çdo pushtet, Henri Çili.

Gazeta ?SOT? dhe CityFm.al ishin të parat gjithashtu  që denoncuan skandalin me tenderin e Parkut Olimpik të Tiranës, i cili iu dha kompanisë me ofertën më të lartë ndërsa u skualifikuan 7 të tjera në garë, mes të cilave 2 me ofertë më të vogël se ajo që kishte vënë limit vetë Ministria e Arsimit.   Të dy këto skandale për të cilat KLSH bëri dje 3 kallëzime penale në ngarkim të 3 zyrtarëve të lartë të MAS, u denoncuan publikisht nga gazeta ?SOT? dhe CityFm.al , me fakte dhe argumente, dhe pse Ministria e Arsimit u përpoq ta pengonte në këtë mision, fillimisht nëpërmjet shantazhit me gjyqe e më pas përmes bllokimit të informacionit si brenda dikasterit ashtu dhe pranë institucioneve të saj të varësisë.

Por gazeta ?SOT? dhe CityFm.al  luftoi për muaj të tërë duke përdorur çdo mashë ligjore derisa MAS u detyrua t?ia jepte çdo udhëzim dhe vendim nëpërmjet të cilave kishte ligjëruar aferën me doktoraturat. Krerët më të lartë të institucioneve shtetërore të arsimit të lartë e kanë cilësuar bllokimin e doktoraturave si një proces që duhet të marrë fund një herë e mirë, pasi favorizon hapur universitetin privat të Henri Çilit. Në fakt ky i fundit veç monopolit të doktoraturave në Shqipëri, duket se do të jetë përfituesi kryesor edhe nga projektligji i ri i arsimit të lartë, i cili parashikon kanalizimin e parave të buxhetit të shtetit për Universitetin Europian të Tiranës dhe falimentimin gradual të universiteteve publike.





Lajmet e fundit nga