web counter
LEXO PA REKLAMA!

SHKARKO APP

App Store
Google Play

E fundit!

x

Rama shtron Iftar në oborrin e Kryeministrisë

14 Korrik 2015, 20:09, Aktualitet CNA

Kryeministri Edi Rama ka shtruar mbrëmjen e së martës një Iftar, me rastin e muajit të Ramazanit në Kryeministri.

Kreu i qeverisë u shpreh se Iftari është një mundësi e veçantë për të përjetuar një hapësirë bashkëjetese të çiltër.

?Pjesëmarrja në një Iftar, prej kampeve të ndryshme, nuk është vetëm shenjë respekti, por edhe një mundësi e veçantë për të përjetuar një hapësirë bashkëjetese të çiltër?, tha kryeministri.

Ai kërkoi të ndajë edhe terroristët e ISIS nga feja myslimane, duke thënë se ideologjia e tyre është ideologjia e barbarisë.

?Militantët e ISIS, pasi ekzekutuan një grup të krishterësh pak kohë më parë në Palmira, po përgatiten të shkatërrojnë me dinamit këtë trashëgimi botërore, po ashtu edhe disa qytete të tjera në Irak dhe në Siri?, tha Rama.

Ndër të tjera, kryeministri Rama foli edhe për një ftesë të refuzuar, sipas tij nga një mik ateist.

?Më bëri përshtypje refuzimi i ftesës nga një njeri i ditur, i cili tha se ishte ateist dhe si i tillë nuk mund të ulej në një sofër me besimtarët.

Por, nëse kjo do të kishte qenë një sofër përjashtuese nuk do të ishte gjithëpërfshirëse për ata që ndryshe nga besimtarët myslimanë, besimi në zot iu buron gjetkë?, tha kryeministri.





Lajmet e fundit nga