E fundit!

20:50 Politikë

Nga rregullat e verifikimeve kufitare, te IQMT dhe Dhërmiu/ Vendimet e reja të qeverisë

Këshilli i Ministrave zhvilloi këtë të premte mbledhjen e ...

Për fitoren e PD-së në Korcë!

14 Korrik 2015, 10:06, Aktualitet CNA

Bashkia e Korcës është një nga simbolikat e këtyre zgjedhjeve lokale. Kjo për disa arsye. Së pari në këtë bashki PD kandidoi një intelektual kalibri si prof. Gjergji Mero, që në fakt e justifikoi mbështetjen politike nga lidershipi demokrat, përballe kishte një kandidat të emëruar nga zv/kryeministri Peleshi, që dihej botërisht se ishte roja i tij në bashkinë e Korcës. Por roja mundi profesorin.

Një tjetër simbolike ishte fakti se PD filloi dhe përfundoi një fushatë skandaloze, pa ide dhe program konkret, pa propozime dhe alternative. Dhe kjo lehtesisht e kuptuaeshme erdhi nga mosfunksionimi strukturave të degës. Këtu e kam fjalën për departamentet apo sekretariatet që duhet të jepnin idetë për një program dhe alternative sa më të besueshme dhe zhvilluese për qytetin. Gjithcka ishte krejt e rastesishme, spontane dhe ide të vetë kandidatit. Dega e PD ishte në fakt kundër tij, jo e gjitha por kreu i saj në vecanti që donte vetë të rikandidonte, apo edhe mbështetësit e tij që djallin e shohin si ëngjëll. Këtu spo fut braktisjen e strukturave apo mos egzistencën e tyre, imazhin apo mardhënien publike që ishin poshtë përfaqësimit të Nard Ndokës në rrjetet sociale.

Tani rezultati ka marë formë dhe gjithcka është lehtesisht e lexueshme. Në bashkinë e Korcës ka një konfigurim në këshillin bashkiak i cili tregon gjendjen reale të opozitës në ketë bashki. Nga 41 këshilltarë, koalicioni i majtë ka 29 këshilltare dhe i djathti vetëm 12 këshilltarë. PS ka 36% dhe PD vetem 23%. PD dhe aleatët janë 29%, më poshte në rezultat edhe se viti 1997 që ka shënuar minimumin historik. Por në fakt ky i 21 qershorit është rezultati dhe përfaqësimi me i ulët historik në Këshillin Bashkiak.

Një rënie e lirë dhe e pandalshme e PD në Bashkinë e Korcë që ka shkak dhe pasoja. Shkaku i parë janë zgjedhjet e Korrikut 2013. Përlasjet, ndarjet e njerzve në të vjetër dhe të rinj, akuzat dhe sulmet ndaj shumë militantëve me kontribure, largimi i personave që kishin qëndruar me PD edhe në vitin famëkeq 1997. Më pas gara në parti, pazaret me LSI, mbulimi fallco i strukturës, apo zgjedhje sa për një ditë konferencë. Ndërtimi i një kryesie dege skandaloze që solli këtë renie të lire. Kryesi apatike, e paaftë, totalisht e corganizuar dhe pa asnjë ritem apo bosht organizmi politik. Lista e këshillit bashkiak, që ishte një tjetër skandal më vetë për PD-në në Korcë, tregonte se ne duart e kujt kishte katandisur alternativa opozitare per qytetin e Korces.

Sirenat e alarmit kanë rënë dhe po bien shumë fort. Këtë e kuptojnë edhe më skeptikët apo servilat e kryetarit të përkoshëm. Justifikimi se rezultati shihet tek votat e kandidatit, është një tjetër mashtrim. Vota e kandidatit ka një diference po aq të thellë. Sotiraq Filo ka rreth 8 mijë vota më shumë se rivali I tij demokrat. Më një analizë të thjeshtë PD dhe aleatët e saj me rezultatin për kandidat kanë më pak vota se në vitin 2013 dhe se në vitin 2011, në mandate deputetësh përkthehet i njëjtë. Pra me votat për kryetarin ka më pak vota por ruhen të njëjtat mandate. Në voten për këshillin, rezultati con koalicion e majtë drejt një mandate më shumë në zgjedhjet e vitit 2017.

Gjithsesi sipas disa drejtuesve te deges qe e cuan ne kete gjendje, rezultati eshte inkurajues dhe PD ka fituar. Kjo eshte thjesht banale dhe papergjegjshmeri.

Në rast se në PD nuk do ketë një analizë të fortë dhe të vërtetë apo Basha nuk do ndërhyjë për të shkarkuar kreun e degës, korrigjuar gabimet dhe larguar injorancën, pazarxhinjtë, klientelelen e Niko Peleshit nga PD në Korcë, rezultati i 2017 mund të jetë një katastrofë tjetër për historinë politikë të PD në këtë degë.

Elvi FUNDO