web counter
LEXO PA REKLAMA!

SHKARKO APP

App Store
Google Play

Besnik Mustafaj: PD drejt disfatës në 2017 nëse nuk bën analizën e humbjes

25 Qershor 2015, 05:59, Politikë CNA

Besnik Mustafaj, një nga themeluesit e Partisë Demokratike, deklaroi dje se nëse lidershipi i PD nuk do të bëjë një analizë të detajuar të rezultatit të dobët të këtyre zgjedhjeve, mund të pësojë disfatë në zgjedhjet parlamentare të 2017. Sipas Mustafajt, Partia Demokratike nuk ishte e përgatitur për këto zgjedhje, ndërsa u shpreh se ristrukturimi i PD nuk është kryer i plotë.

?Detyra e një force politike elektorale duhet të ngjallë shpresën, të ofrojë horizontin e ri drejt të cilit duhet të ecë gjithë shoqëria jo vetëm militantët e saj. Unë do të thosha se procesi i shënuar në mënyrë publike në 2013 në humbjen e thellë, duhet të ishte një proces refleksioni, ristrukturimi i PD-së nuk është kryer ende i plotë. Pra, nga pikëpamja e ekzistencës së një force politike të jashtëzakonshme siç është PD, lidershipi ende nuk ka kuptuar detyrën e tij të nxjerrë nga zgjedhjet e 2013 dhe po vazhdon, rënia do vazhdojë në 2017 nëse nuk reagohet me seriozitet politik?, deklaroi ish-ministri i Jashtëm.

Besnik Mustafaj komentoi edhe deklaratën zyrtare të liderit të demokratëve, Lulzim Basha i cili tha se Partia Demokratike në këto zgjedhje doli e fituar. Sipas Mustafajt, kjo deklaratë e Bashës nuk ka asnjë bazë pasi këto zgjedhje nxorën në pah dobësinë e partisë më të madhe opozitare.   ?Unë nuk e kuptoj ku e mbështet zoti Basha bindjen e tij se ka qenë një fitore. Kjo nuk ka qenë një fitore. Kjo nxori në pah të gjitha dobësitë e Partisë Demokratike pas zgjedhjeve të 2013. Kjo tregoi se analiza e munguar e zgjedhjeve të 2013 bëri që PD të jetë e papërgatitur për këto zgjedhje, po marrim dy aspekte. Nga ana tjetër nga kutitë që janë hapur deri tani aty ku votohet për partitë, ka një rënie të votuesve që i kanë besuar PD-së në nivel kombëtar.

Të dyja këto tregojnë se kjo nuk është fitore. Kjo nuk është sigurisht një katastrofë, PD dhe lidershipi i saj në mënyrë urgjente duhet të shohë mënyrën se si po vepron, demokratët vetë ende nuk kanë ende besim tek lidershipi i vet?, komentoi Mustafaj.

Gazeta SOT





Lajmet e fundit nga