web counter
LEXO PA REKLAMA!

SHKARKO APP

App Store
Google Play

Berisha: Halim Kosova është fituesi moral i këtyre zgjedhjeve

24 Qershor 2015, 09:50, Politikë CNA

Pas shpalljes së Erion Veliaj-t si kryetari i ri i Tiranës, ish kryeministri, Sali Berisha, e ka cilësuar Halim Kosovën si fitues moral të këtyre zgjedhjeve.

Përmes një statusi në Facebook, Berisha rendit disa arsye se pse Kosova mund të quhet fitues moral  Mes tyre, ish kryeministri përmend shpenzimet e pakta të kandidatit të së djathtës për fushatën elektorale.

Sipas Berishës, kundër Halim Kosovës u vërsul me gjithë tërbim e gjithë makineria kleptokratike me format nga më banale dhe primitive.

‘Te dashur miq, Dr. Halim Kosova eshte fituesi moral i ketyre zgjedhjeve. Ne keto zgjedhje Halim Kosova nisi garen elektorale:
– ne kushtet me te pabarabarta ne historine e zgjedhjeve lokale. Mjafton te rikujtoj ketu se ai shpenzoi gjate gjithe fushates me pak se shpenzoi vetem per spote televizive ne dy dite kundershtari i tij.
– ne nje salamander qe turperon cdo njeri qe beson ne zgjedhjet e lira dhe te ndershme.
– ne kushtet kur qytetaret e Tiranes u kercenuan nga Edi Rama me ndeshkime shembullore mesjetare si nderpreje te ujit, dritave, investimeve ne rast se do te benin fajin dhe te votonin per Dr. Kosoven
– ne kete fushate, kunder tij u versul me terbim e gjithe makineria e regjimit kleptokratik me format me banale dhe primitive te korruptimit dhe te presioneve te tij.

Pavaresisht nga te gjitha keto, pavaresisht nga rezultati i pamerituar, Dr. Halim Kosova zhvilloi betejen elektorale me te njerezishme e me qytetare qe Tirana ka njohur ndonjehere keto 23 vjet pluralizem, per çka meriton respekt e mirenjohje te thelle. Ai, si nje bir i vertet i qytetit dhe jo i pushtetit doli fituesi moral i ketyre zgjedhjeve apo per fat te keq i kesaj farse zgjedhore, duke nderuar veten, familjen dhe te gjithe ata qe e donin qytetar te pare te Tiranes’ shkruan Berisha.





Lajmet e fundit nga