Të vegjlit akuza PS-PD për vjedhje votash për këshilltarë

24 Qershor 2015, 06:27, Politikë CNA

Partitë e vogla dyshojnë se PS dhe PD do t?u vjedhin dhe kanë nisur t?u vjedhin votat për këshillat bashkiakë. Të vegjlit u kanë bërë thirrje partive të mëdha politike dhe komisionerëve, që të ndalin krimin elektoral, pasi në rast të kundërt do të ngrenë kallëzime penale dhe ankimime në KQZ dhe Kolegjin Zgjedhor. Kreu i Partisë së Unitetit Kombëtar, Idajet Beqiri, theksoi se partitë e vogla politike të koalicionit të majtë nuk do të lejojnë krimin antidemokratik, ndërsa shprehu besimin e madh te kryeministri Edi Rama.

?Nëse ndonjë numëruesi a komisioneri do t’i marrë koka erë dhe do korruptohet me lekët e krimit të ndonjë force politike, e cila beson veç te vjedhja dhe te tjetërsimi i vullnetit të popullit, të 35 partitë politike të koalicionit do bëhemi bashkë dhe, me kallëzime penale, me ankime në KQZ dhe Kolegjin Zgjedhor, me ankime dhe me detyrimin e vëzhguesve vendorë dhe ndërkombëtarë që të hapin kutitë dhe të zbulojnë krimin e tjetërsimit të vullnetit të popullit, me masmediat elektronike dhe të shkruara, do t’i japim mësimin e duhur këtij krimi makabër, poshtërues, dhunues, denigrues, seleksionues, racist dhe hajdutëror?, paralajmëroi Beqiri.

Ai u premtoi konkurrentëve për në këshillat bashkiakë, se krerët e partive të vogla politike do përpiqen që vota të mos cenohet. ?Ndaj të gjithë ju, konkurrues për në këshillat bashkiake dhe ju votues shqiptar, mos u shqetësoni kaq shumë, sa që këto ditë veç për këtë fenomen makabër flisni, sepse Reformatori Kryeministër i Republikës së Shqipërisë, Edi Rama, nuk do e lejoj të vazhdoj edhe në këto zgjedhje këtë fenomen kriminal antishqiptar dhe antidemokratik?, u shpreh Beqiri. Kreu i PUK nënvizoi se krimi elektoral është krimi nga më të shëmtuarit në këto 25 vite pluralizëm. ?Ne besojmë se krimi i shëmtuar zgjedhor 25 vjeçar, kur në të gjitha zgjedhjet politike dhe vendore votat e partive të vogla i vidhnin dhe i ndanin sipas shijeve të tyre, ose përkundrejt korruptimit me lekë të numëruesve dhe komisionerëve, në këto zgjedhje të 21 Qershorit 2015, nuk do të ndodh. E para, sepse këtë frymë krimi të pashembullt e futi dhe e mbante gjallë Berisha, i cili tashmë është i vdekur (pavarësisht se është i pakallur). Edi Rama nuk ka patur dhe nuk ka asgjë të përbashkët me Berishën në këtë pikë?, tha Beqiri.