web counter
LEXO PA REKLAMA!

SHKARKO APP

App Store
Google Play

E fundit!

x

Rama mesazh deputetëve, ministrave dhe drejtorëve që humbën Veriun: Përgatituni për ndarje përgjegjësish

23 Qershor 2015, 06:26, Aktualitet CNA

Partia Socialiste dhe aleanca që ajo drejton, në zgjedhjet e 21 Qershorit, kanë marrë një goditje të paparashikuar dhe të papritur në Veri të Shqipërisë. Nëse koalicioni i majtë ka dominuar Tiranën, Shqipërinë e Mesme dhe Jugun e vendit, shumica në pushtet ka pësuar një disfatë në Jug të vendit. E majta ka humbur Kukësin, Vaun e Dejës, po humbet Shkodrën dhe Lezhën, ka humbur Tropojën, ka humbur Matin dhe Klosin, po humbet Peshkopinë etj.

Në këto kushte, vëmendja e kryeministrit Edi Rama është përqendruar në Veri të vendit, aty ku njerëzit kanë ndëshkuar me votë qeverinë e tij. Drejtimin dhe organizmin e fushatës në bashkitë e Veriut, Rama ua kishte besuar disa deputetëve të Partisë Socialiste, ministrave, kryetarëve të PS dhe drejtorëve më të rëndësishëm. Teksa rezultati në bashkitë e Veriut po merr formë, mes kryeministrit Edi Rama dhe drejtuesve të fushatës ka tension dhe nervozizëm. Sipas burimeve, pas zyrtarizimit të disa bastioneve të PS, kryeministri Edi Rama u ka nisur një mesazh drejtuesve të fushatës zgjedhore. Rama u ka bërë me dije se nuk do të pranojë dhe dëgjojë asnjë justifikim për rezultatin negativ, në disa bashki, ku Partia Socialiste kishte pritshmëri të mëdha.

Kreu i qeverisë, ndonëse konsiderohet si fituesi më i madh i këtyre zgjedhjeve, ka paralajmëruar ministrat, deputetët dhe drejtorët, të cilët kanë humbur në zonat që kanë marrë përsipër, që të përgatiten për një analizë të thellë dhe ndarje të përgjegjësive. Shefi i mazhorancës, ende pa u mbyllur plotësisht procesi i votimit, ka paralajmëruar drejtorët, kutitë e të cilëve nuk dolën sipas pritshmërive dhe analizave, që të japin dorëheqjen. Ndërkaq, sipas urimeve, kryeministri Edi Rama është ndjerë më shumë i keqardhur për humbjen e dy zonjave të koalicionit të majtë në Bashkinë e Matit dhe të Klosit. Kandidatja e së majtës për Klosin, Valbona Kola, ka humbur në një rezultat të thellë përballë kandidati të PD, Basir Çupa, i cili mori 60.6 përqind të votave. Ndërkaq, kandidatja e PS, për një mandat të dytë në Bashkinë e Matit, Adelina Farrici, ka humbur me një rezultat të ngushtë përballë kandidatit të PD, Nezir Rizvani.  Humbja e zonjës Farrici ka qenë e papritur për Partinë Socialiste.





Lajmet e fundit nga