web counter
LEXO PA REKLAMA!

SHKARKO APP

Bashkitë ku ende nuk ka përfunduar procesi i numërimit

23 Qershor 2015, 04:44, Aktualitet CNA

Edhe pse kanë kaluar më shumë se 30 orë nga mbyllja e procesit të votimit, në 7 bashki vazhdon ende numërimi i votave.

Në Bashkinë e Kamzës janë numëruar rreth 70% e votave dhe gara është vërtetë e ngushtë mes Xhelal Mziut të APPD dhe Safet Gjicit të ASHE. Kandidati aktual i bashkisë, Mziu kryeson me rreth 1300 vota.

Një tjetër bashki e madhe ku ende nuk ka përfunduar numërimi është ajo e Shkodrës, ku procesi nisi vetëm gjatë mëngjesit të së hënës.

Në Berat kanë mbetur vetëm 16 kuti për tu numëruar, por ky proces është ndërprerë pak para mesnate dhe pritet të fillojë në rreth orës 08:00.

Një tjetër bashki ku procesi i numërimit ende nuk ka përfunduar, madje janë numëruar më pak se në çdo bashki tjetër, është Malësia e Madhe.

Edhe në këtë bashki vazhdon të numërohet në Bashkinë e Durrësit , por me ritme të ngadalta.





Lajmet e fundit nga