web counter
LEXO PA REKLAMA!

SHKARKO APP

App Store
Google Play

E fundit!

x

Raundi i ri ne Bruksel Mustafa-Vuçiç, priten rezultate

19 Qershor 2015, 14:14, Kosova & Bota CNA

Përfaqësuesja e lartë e Bashkimit Evropian për Politikë të Jashtë dhe Siguri, Frederika Mogherini ka ftuar kryeministrin e Kosovës, Isa Mustafën dhe atë të Serbisë, Aleksandar Vuçiq për raund të ri të dialogut politik për normalizimin e raporteve në mes të Prishtinës dhe Beogradit.

Zyrtarët evropianë pohojnë se vendimi për organizimin e takimit të radhës u mor sepse ka bazë për të besuar se ai mund të sjellë edhe rezultate konkrete.

Grupet punuese kanë intensifikuar takimet që nga e hëna që shkoi, ndonëse deri më tani nuk është treguar ndonjë rezultat drejt arritjes së pajtimit. Sidoqoftë, transmeton servili publik i Kosovës, zyrtarët evropianë janë të mendimit se ka përafrime të qëndrimeve dhe krejt kjo bën që të shihet me optimizëm takimi i së martës.

Shefat e qeverive të Kosovës dhe të Serbisë do nisin takimin në paraditen e datës 23 qershor.

Në tryezë të diskutimeve do i kenë të gjitha ato tema që tashmë janë trajtuar gjatë kësaj jave në nivelin teknik, paraprakisht telekomi, energjetika, Asociacioni i Komunave Serbe në Kosovë, si dhe barrikada Parku i Paqes në Mitrovicë.

Lidhur me barrikadën, që serbët e quajnë Parku i Paqes, tashmë grupet punuese e kanë parasysh propozimin që e ka përpiluar shefi i Zyrës Evropiane në Prishtinë, Samuel Zhbogar.

Zyrtarët e Brukselit hezitojnë që të flasin për përmbajtjen e propozimit, pos që konfirmojnë se ai tash është në tavolinë tek grupet punese dhe si i tillë do bartet në takimin e kryeministrave.

Katër temat që do diskutohen të martën e ardhshme janë të asaj natyre e cila kërkon shumë angazhim dhe më shumë kompromise. Meqë deri më tani grupet punuese nuk kanë dalë me konfirmimin se kanë finalizuar cilëndo nga katër temat, atëherë pritet që edhe ky takim i kryeministrave të jetë maratonik.

 





Lajmet e fundit nga