web counter
LEXO PA REKLAMA!

SHKARKO APP

App Store
Google Play

Mediat e Athinës: Rama-Idrizi-Kokëdhima po hedhin në erë marrëdhëniet mes dy vendeve

19 Qershor 2015, 06:14, Kosova & Bota CNA

Përkeqësohen akoma dhe më tepër marrëdhëniet mes Shqipërisë dhe Greqisë. Pas përplasjeve dhe reagimeve mbi kufirin ujor, mediat greke kanë lëshuar akuza shumë të forta në drejtim të kryeministrit Edi Rama, duke iu referuar vizitës së tij të pak ditëve më parë në Konispol dhe për deklaratat që ai lëshoi prej andej. Janë një sërë gazetash dhe portalesh, të cilat i kanë kushtuar një rëndësi vizitës së Ramës në këtë zonë, si ?Efenpress?, ?Proinoslogos?, ?Tachydromos?, ?Epiruspost?, ?Thespro?, etj.

Sipas tyre, deklaratat e tij vetëm sa i hedhin më tepër benzinë zjarrit mbi marrëdhëniet mes Greqisë dhe Shqipërisë. Nuk kanë munguar dhe akuzat në drejtim të deputetëve Koço Kokëdhima dhe Shpëtim Idrizi. Sipas tyre, Rama dhe Kokëdhima ngjallën terror para qytetarëve të krishterë dhe me origjinë greke në Konispol, duke ju kërkuar të votojnë kandidatin e çamëve. ?Tashmë është e qartë se roli institucional i kryeministrit është verbuar nga ndjenjat partizane. Gjatë një vizite në Konispol të dielën, ai ka lëshuar një sërë deklaratash të rrezikshme ndaj fesë dhe identitetit kombëtar, duke i hedhur më tepër benzinë zjarrit sa i përket marrëdhënieve me Greqinë, popullsinë greke dhe komunitetin ortodoks?, shkruajnë mediat greke.

Po ashtu nuk kanë munguar sulmet dhe deklaratat në drejtim të Partisë për Drejtësi Integrim e Unitet dhe kryetarit të saj Shpëtim Idrizi. Sipas tyre, Rama, Kokëdhima dhe Idrizi kërkojnë të përkeqësojnë situatën ndëretnike për efekt elektoral. ?Kjo zonë u zgjodh qëllimisht nga kryeministri i Shqipërisë për të përshkallëzuar tensionet pak ditë para zgjedhjeve lokale, të cilat janë shoqëruar sërish me dhunë dhe mashtrim. Edi Rama përsëriti deklaratat e tij provokuese pas përplasjes për kufirin në detin Jon dhe kërkimet për naftë. Ndërkohë, partia e çamëve pak çaste pas fjalimit të kryeministrit, reagoi duke vlerësuar fjalimin e tij dhe bashkëpunimin me Partinë Socialiste?, shprehen portalet greke.





Lajmet e fundit nga