web counter
LEXO PA REKLAMA!

SHKARKO APP

App Store
Google Play

Indeksi 2015: Kosova e Maqedonia, shtetet me te paqendrueshme ne Ballkan

18 Qershor 2015, 15:28, Kosova & Bota CNA

Kush janë vendet më te qendrueshme dhe ato me te paqendrueshme në Ballkan dhe botë, sipas “Global Peace Index 2015”.

Maqedonia dhe Kosova konsiderohen si vendet më te paqendrueshme në Ballkan.

Ky vlerësim del nga hulumtimi i realizuar nga Instituti “Global Peace Index 2015”.

Sipas vlerësimeve të bëra, Maqedonia është vendi më jostabil në Ballkanin Perëndimor i renditur në vendin e 71. Më pas radhitet Kosova në vendin e 69, dhe pas saj Mali i Zi në vendin e 57.

Sipas kësaj liste, vendi më i qetë në Ballkan është Kroacia e cila zë vendin e 27-të nga gjithsej 162 vende, ndërkohë pasojnë Serbia në vendin e 46, Shqipëria e 52-të dhe Bosnje e Hercegovina e cila ndodhet vendin e 53-të të listës.

Nga vendet e rajonit të gjerë të Ballkanit, vendi më i qetë është Sllovenia e cila ndodhet lartë në vendin e 15-të listës, dhe pasojnë Hungaria (22), Sllovakia (23), Rumania (26) Bullgaria (32) dhe Greqia në vendin e 61.

Vendi më i qetë në botë është Islanda, ndërsa vendi më jostabil është Siria. Vendet më jostabile të kontinentit evropian janë Rusia dhe Ukraina, të cilat më shumë se një vit janë në marrëdhëniet mjaft të tensionuara.

Sipas kësaj liste, vendet më stabile në botë janë: Islanda, Danimarka, Austria, Zelanda e Re, Zvicra, Finlanda, Kanadaja, Japonia, Australia dhe Republika Çeke. Pas tyre vijojnë Portugalia, Irlanda, Suedia, Belgjika, Sllovenia, Gjermania, Norvegjia, Butani, Polonia dhe Holanda.

Ndërsa, nga vendet më jostabile në botë janë: Siria, Iraku, Afganistani, Sudani Jugor, Republika e Afrikës Qendrore, Somalia, Sudani, Kongo, Pakistani dhe Koreja e Veriut.

Instituti për Ekonomi dhe Paqe, i cili ka publikuar raportin ka përdorur 23 kritere në mënyrë për të marrë rezultate, duke përfshirë nivelin e dhunës, nivelin e vrasjeve, jostabilitetin politik dhe numrin e vdekjeve në konflikt të brendshëm.





Lajmet e fundit nga