web counter
LEXO PA REKLAMA!

SHKARKO APP

App Store
Google Play

E fundit!

x

Mero: Komuniteti rom dhe egjiptian në fokus të programit për punësim

19 Qershor 2015, 07:55, Politikë CNA

Kandidati Gjergji Mero zhvilloi një takim me komunitetin rom dhe egjiptian për të trajtuar problematikat dhe zgjidhjen e tyre në programin e Bashkisë së re Korcë.
Në fjalën e hapjes kandidati Mero tha se varfëria dhe papunësia janë dy shkaqet kryesore të gjendjes së mjerueshme të këtij komuniteti, I cili është I braktisur dhe I pamirëpritur nga bashkia këta tetë vite. Të ardhurat e juaja minimale nuk sigurojnë dot pagesën e dritave dhe të ujit, vuri në dukje kandidati Mero
Një nga problematikat e këtij komuniteti është diskriminimi I cili shfaqet në trajtimin në mënyrë jo të barabartë me qytetarët e tjerë. Në zyrat e bashkisë këta banorë nuk dëgjohen për hallet e tyre tha kandidati Mero , duke sjellë haresë dhe braktisje
Kandidati Mero tha se punësimi në shërbimet publike dhe në biznesin privat në bashkëpunim me bashkinë do të jetë një nga mundësitë e zhvillimit të këtij komuniteti. Njehërësh ai tha se ky komunitet do të ketë përfaqësinë e vet në zyrat e Bashkisë
Familjet në nevojë nga komuniteti juaj do të subvecionohen me një minimum jetik për të paguar dritat dhe ujin, tha kandidati Mero.
Vetë pjesëmarrësit trajtuan problematikat e këtij komunitetit, të cilat më së shumti lidheshin me punësimin, strehimin dhe integrimin e tyre në mënyrë të barabartë në shoqëri.
Gjatë fjalës së tij kandidati Mero shtjelloi zgjidhjen e cështjes së banesave sociale, edukimit dhe shkollimit për fëmijët e komunitetit rom.





Lajmet e fundit nga