E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Frrokaj: Problemet duan zgjidhje, nuk ka kohë për propagandë

18 Qershor 2015, 11:18, Politikë CNA

Kandidati i djathtë për bashkinë e Lezhës Fran Frokaj, ka vijuar bashkëbisedimet me çdo banor edhe në lagjen Skenderbeg të qytetit. Duke iu drejtuar të pranishmëve në takim, Frrokaj ka deklaruar se problemet e imediate të Lezhës janë lënë pas dore dhe janë zëvendësuar me fjalë nga rivali i majtë, duke kërkuar një kontratë miqësore, juridike e të sinqertë me qytetarët.

?Për banorët e lagjes Skenderbeg, një kryeqytetas që harron komunitetin e tij dhe nuk realizon çfare ka premtuar duhet larguar nga drejtimi i zhduhur për të ardhmen e fëmijëve të tyre. Edhe pse e kanë ruajtur lagjen e tyre të paprekur nga ndërtimet pa kriter, banorët e Skenderbegut nuk kanë mundur të prekin investimet nga bashkia, fakt ky i mjaftueshëm ky për ta për të ndryshuar mënyrën e menaxhimit të qytetit.

Edhe një javë na ndan nga një e kaluar jo korrekte për mënyrën e trajtimit të qytetarëve lezhjanë si nga bashkia ashtu edhe nga pushteti qëndror, ndaj çdo njëri duhet të ndërgjegjësohet për të reaguar fuqimisht nga një keqqeverisje lokale e qëndrore. Bashkia e Lezhës, nëpërmjet titullarit të saj, i ka neglizhuar qytetarët dhe problemet e tyre. Lagjja Skënderbeg është një nga më të vjetrat e qytetit e cila edhe pse është ruajtuar nga vetë qytetarët nga ndërtimet pa kriter, problemet e saj janë të shumta dhe që nuk kanë marrë jo thjesht zgjidhje, por as edhe trajtimin e tyre nga i zgjedhuri që është i detyruar të jetë zëri i bashkqytetarëve të tij.

Problemet tuaja janë krejtësisht të dukshme dhe aspak komerciale për shkak të fushatës. Mungesa e ndriçimit, e stolave në këtë lulishte të vogël, e qendrës shëndetësore jashtë kushteve për të trajtuar të sëmurët, infrastruktura e kësaj lagjeje dhe sigurisht si në çdo lagje edhe shërbimi i pastrimit është aq i cunguar saqë mund të vërehet lehtësisht kur përshkon këtë lagje. Kryebashkiaku në largim flet për projekte madhore, por në fakt harron se Lezha ka probleme të prekshme që ndeshën çdo ditë nga qytetarët e që presin zgjidhje.

Mungesa apo zaptimi i trotuareve, biznese që mbyllen çdo dite për shkak të mungesës së politikave të njësisë vendore, cënimin e jetës së qytetarëve me veprimet e në shumë raste me mos veprimet e tij. Unë dua të nënshkruaj me ju një kontratë shoqërore e juridike në mënyrë që në ballafaqimet e nesërme të jemi konkret dhe të prekshëm me mbajtjen e premtimeve tona duke realizuar ato punime të cilat po i deklarojmë edhe tani. Unë vij përpara jush jo thjesht si një përfaqësues që ka marrë besimin e Partisë Demokratike, por si një i përzgjedhur që përmbush pritshmëritë tuaja dhe së bashku zgjidhin mjaft probleme që ka kjo lagje e vjetër e që në fakt është e harruar. Jam vendosur përpara jush për të marrë përgjegjësitë e mia të plotë përballë jush, përkundër rivalit të majtë që edhe pse menaxhoi për 8 vite 5 km katror sipërfaqe qyteti, e la atë me 5 mijë halle e probleme që nuk denjoi ti përfshinte në prioritetet e tijë. Mjafton ky argument për të kuptuar se cila do të jetë aftësia e tijë për të menaxhuar bashkinë e madhe dhe mijëra problemeve që kanë edhe zonat rurale.

Çdo njëri e ka parë sesi funksionon qyteti historik dhe turistik i Lezhës në çdo sezon veror. Në periudhën kur këtij qyteti i drejtohen pushues, turistë, vizitorë apo dhe emigrantë që kthehen pranë familjeve të tyre, rrugët hyrëse dhe dalëse bllokohen plotësisht nga punime që mund të kryheshin edhe në një stinë tjetër, por që në fakt tenton të largojë miqtë e shumtë të këtij qyteti që gjithsesi nuk e kanë braktisur dhe nuk do e braktisin qytetin e Besëlidhjes. Në fakt Lezha duhej të ishte një qytet i këndshëm, i dëshirueshëm dhe tërheqës për këdo që kërkon më të mirën e pushimeve, qetësisë e relaksit, sepse në fakt kjo ka qenë dhe mbetet tradita e tij.

Ajo që është një çudi e madhe është fakti se në rrugët e Lezhës mungon thuajse plotësisht ndriçimi, ndërsa së fundmi kryetari në largim i bashkisë ka krijuar një kaos duke nisur punime elektorale, por nuk jutifikohen 8 vitet e drejtimit të bashkisë në 8 muajt e fundit e aq më keq në 30 ditë para zgjedhjeve siç po veprohet aktualisht, ndaj duhet ndëshkuar ky model dhe zgjedhjet e 23 Qershorit janë shansi ideal. Në programin tim për qytetin e Lezhës, një vend të rëndësishëm zënë rikualifikimi dhe shtimi i hapësirave të gjelbërta për qytetarët, e ky nuk është thjesht premtim. Diferenca mes meje dhe rivalit Tusha është e dallueshme, e ajo lidhet me faktin e të vepruarit në mënyrë konkrete nga ana ime dhe shmangies totale nga premtimet të përfaqësuesit të LSI-së. Kam dhënë argumenta që jam njeri i fjalës dhe i punës ndaj sistemimi i lagjes Skenderbeg do të jetë detyrimi im, si një obligim që në fakt duhet të ketë një kryeqytetas mes të barabartëve.