web counter
LEXO PA REKLAMA!

SHKARKO APP

App Store
Google Play

E fundit!

x

KQZ refuzon çregjistrimin e 600 familjarëve të PD në listat e Vorës

18 Qershor 2015, 05:56, Politikë CNA

Komisioni Qendror i Zgjedhjeve ka refuzuar dje të çregjistrojë nga listat e zgjedhësve ata persona që pretendohet se janë shtuar në mënyrë fiktive në Bashkinë e Vorës. Përfaqësuesi i LSI dje në KQZ u kërkoi anëtarëve që të ndërmarrin masa dhe të heqin nga lista 600 votues në Vorë.

Ai u shpreh se këta persona kanë ardhur nga qytete të tjera të vendit dhe janë vendosur në Vorë vetëm për efekt elektoral.   ?LSI ka depozituar në KQZ një kërkesë për çregjistrimin e 600 emrave të regjistruar në kundërshtim me ligjin dhe me synim trafikimin e votës në Bashkinë Vorë. Gjatë kësaj periudhe jemi njohur me lëvizjen e rreth 600 banorëve në Bashkinë Vorë dhe regjistrimin e tyre në listat zgjedhore. Ky proces ka ndodhur në kundërshtim me ligjin dhe qëllimi i vetëm është trafikimi i votave në drejtim të kryetarit aktual të bashkisë.

Është momenti që KQZ të ndërhyjë dhe të veprojë në këtë moment duke ekuilibruar vullnetin e votuesve të një bashkie dhe të ndalojë trafikimin e votave. Trafikimi i zgjedhësve është në kundërshtim me të drejtat themelore?, tha ai. Përfaqësuesi i LSI u shpreh se janë nga 15-16 persona që janë strehuar në një apartament, duke shtuar se personat pritës janë njerëz të afërt të kryebashkiakut aktual. Ai kërkoi që kjo kërkesë të futej në rendin e ditës, por nuk u mor aspak parasysh nga KQZ. Kryetarja Lefterie Luzi kërkoi që për të tilla çështjesh palët të vënë në dijeni organet e drejtësisë. ?Ne e kemi thënë se nuk jemi as prokuroria, as gjykata. Ju lutem shumë, çfarë keni çojani prokurorisë, gjykatës, të cilat janë institucione që vendosin në lidhje me problemet që ju keni?, deklaroi kryetarja e KQZ, Lefterie Luzi.

 





Lajmet e fundit nga